Upna bulphuh itna hi

Upna bulphuh itna hi

Matthew 17: 20na ah, …ankamtang cia upna na neih leh mual kinsak zo ding cih thu na gen hi. Kuamah in mual kinsak zo lo ih hi manin leitung mite kuamah in upna ei le ei aa kinei masa lo ahihna kilang hi. Pasian ii pualam ah kuamah in amah le amah in upna nei thei lo ahih manin kuamah in mual kinsak zo lo hi.

Ahi zongin upna letsong ih ngah khit teh mualpi zah-a a lian ih mawhna Pasian’ mai pan’n kinkhia hi. Mual kinsak zawhna ding ei le ei aa vangliatna (upna) kinei lo hi. Thukham sawm ahi itna lah ei le ei aa kinei zo lo hi. Tua ahih manin Jesuh ong tatkhiatna hanga diktanna ih ngah ding bek ih kisam hi. Itna ka neih kei leh cih teh thukham sawm ka zuih zawh kei leh cihna hi pah ahih manin kingaihsun pha inla, kidawmin gamta-in kampau inla, LST sim kipanin, thungetna tawh kipan pha in.

Tua hi a, hong kipia letsong ‘upna’ tawh Jesuh ong tatkhiatna ah diktang mi na hih phot mateng itna a neilo itna a ngah lo mi na hi tawntung zaw ding hi. Ahi zongin tu-in thu-ummi Christians te in Jesuh sungah itna a nei theita uh hi. Banghang hiam cih leh a upna un mualpi sangin a lianzaw a mawhna uh kinkhia sak zo ahih manin, itna siangtho nei thei ta uh hi.

Tua sangin a lianzaw thupiang thei om nawn lo hi. Diktang mi na hihna pen upna tawh hi-in itna (thukham) tawh hi lo hi. Thumaan mi/ Diktang mi upna tawh nungta…Gal. 3: 11. Ci le sa itna panin a ngah uh diktanna hangin Jesuh Khrih mitsuan itna nei thei ta uh hi. Keimah in ka khensat kul lai inteh na cihcih laiteng Ephesians 2: 8na a “upna letsong” pen a ngah nai lo na hi hi. Ke’n um hi veng. Nang um lo hi ve cin. Tun ke’n umin sang hi veng, na cihcih pen mah upna letsong a ngah na hi hi.

A up theina hihna pen upna letsong ahi hi. A letsong na ngah mana a sang thei na hi gige a, tua mah bangin a letsong a kipiak loh manin zong a um thei lo ahi gige uh hi. A taktak in ci lehang uplohna pen nang ma kibawl ahi hi. Nangma kibawl tawm le na sep thaman ii gah pen uplohna hi. Ahi zongin up kul thu khat na up lel theihna pen ahi ding mah hi a, sepna a kicih loh banah letsong kici zaw lai hi.

Evan. Suang Dal