Thursday sunlampawl in “University of South Carolina” sanginn huangsung ah Murder-suicide ci’n ki thahlupna vaibuaina khat piangmawk ahih manin mi 2 in sihlawh cih Fox News pan kiza hi.
Thursday sun 1:20pm hunpawl in thupiang hi a, hihbang buaina aom akizak phetin sanginn huangsung ki khakcip pahlian a, palik tezong athuap athuap in hong taipah ziahziah uhhi. Kikap lupna amunlian pen School of Public Health Research Building sung ahihi. Columbia Police te’nzong hihvai tawh kisai Press Conference khat neipah uh a, hih buaina hangin mi 2 in sihlawh cih genkhia uhhi.
Inndei sungah minih aki kaplum uh hihtuak a, kaplup athuak pen leh akaplum pen bekmah tua inndei sungah aom uh hiding in ki ummawh hi. Tua tegel ii amin apuan kua cih akician in thunei te’n genkhia nailo uh a, hong tangko khiakikding uhhi.
“State Law Enforcement Division” pan Spokesman Thom Berry ii genkhiatna ah hih kikaplupna pen asi mi tegelnih aki simkaplup uh hi a, tua asi tegel pen sangnaupang maw, Professor maw, midang maw cihpen kong genkhia naikeiding ciphot hi.
Hih kikapna apianhun laitak pen Class khatlehkhat akilaih laitak hi a, sangnaupang te kuamah inzong thauging zakhamello uh hihtuak hi.
University President Harris Pastides inzong sangnaupang te kiangah lai khahkhia a, tuni pen a lungkhamhuai mahmah ni khat hi. Police te’n ahunlap in hongpaipah uh lungdam mahmah hang. Hihvai hangin adah akap khempeuh leh akizomkha khempeuh adingin thu kongngetsak hi cihi. ZD Sawltak
Comment piaknop aomleh...