Ukraine in agam mite ngimna dingin Missile koihhi ci

Ukraine in agam mite ngimna dingin Missile koihhi ci

Feb. 13, 2017: Russian Investigative Committee ten tu ni-in Ukraine galkap ten Ukraine nisuahna lamah a gammite ngimna dingin nautangte ten’na munah Tochka-U (SS-21 Scarab) tactical missiles koih beh hi ci hi.

OSCE-a Russiate palai (envoy) Alexander Lukashevich in Ukraine nisuahna lamah buaina a kibehlap manin Ukraine galkap ten galvan liante (heavy weaponry), tanks leh Tochka-U systems nautangte ten’na munah zanhal in koih kik hi ci hi.

“Hih bangin mi lom thah theihna ding leh siatsak theihna ding galvan (weapons of mass destruction) — Tochka-U tactical missile systems pen buaina ah zat ding leh nautangte ngimna dingin Ukraine galkap ten nautangte ten’na munah a koihna thu pen nial theih hilo a, lai pomawh tawh lim takin in kiciamteh (documented) in kingah hi ci-in OSCE committee spokeswoman Svetlana Petrenko in ci hi.

#Behlapna: OSCE i cih pen Organization for Security and Co-operation in Europe a cihna hi a, gam kiim-ah bitna leh muanna a omna dinga kipawlna (Regional security organization) hi a, political negotiations leh decision-making lamsangah theihkholhsakna piakna ding, buaina dalna ding, management lamsang buaina ah kipawlna forum dinga kibawl ahi hi.

OSCE pen leitung adingin security-oriented intergovernmental organization kipawl khopna gol pen ahi hi. Source: Sputnik and Wikipedia/ Thang Khan Lian