Ukraine gam ii khuapi ahi Kiev City ah leisung akiphum Underground Water Pipe puakkham in akiim apam teng siagawp cih SCMP News pan kiza hi.
Nung Monday ni in apuakkham hi a, apuakkhap laitak CCTV pan inzong Video Record ki muthei hi. Numei khat ageinai ah khetawh apai laitak in apuakkham hi a, ahi zongin tua numeinu pen bangmah liamna omlo cibilbel hi.
Ahi zongin Underground Water Pipe sungah Pressure khauhmahmah ahih manin, suangthem leh leinen teng kithehzak gawpin, ageinai aom mawtaw leh innte siagawp cihi.
Hih Underground Water Pipe apuakkhapna hangin leisung 6 meter (Pi 20 dektak) bang kuahawm piang ci a, apuakkhap laitak inzong akiimteng ah tuihual bangin luangkhia ziahziah cihi.
Video etnopleh: Massive Water Pipe Explosion – Kyiv Ukraine
https://www.youtube.com/watch?v=eeSAEzHyC38
Tua apuakkham Water Pipe pen khuasung aom innte ah tuisa apaisakna “Hot Water Funnel” ahihi. Ahi zongin hih apuakkhaplian laitak in tuisa banghangin pailohiam cih aki etcian laitak in apuakkham hi a, tuivotbek apailaitak tawh kituak bilbel hi.
Related: Ukraine te vanleng Fighter Jet 2 kikapkhia
Ageinai pan amukha te genna ah Tui Pipe apuakkhap laitak in inndawn dawl 7 dongah asangin lengto ziahziah cihi. Bomb puakkham mahtawh kibang in akiim apam teng siacip zikzek hi. ZD Sawltak #zomidaily
Comment piaknop aomleh...