Uber leh Grab tuanlaitak bawlsiatna aomleh SOS Button mektheihding in kibawlding

Uber leh Grab tuanlaitak bawlsiatna aomleh SOS Button mektheihding in kibawlding

“E-hailing Operators” cihpen Uber, Grab, etc… te ahihi. Malaysia Land Public Transport Commission (SPAD) te’n agamsung ah akizang E-hailing Operators khempeuh ii azat App sungah SOS Button thuaksakding cih theStar pan kiza hi.

SOS Button cihpen cimawh dongtuak in ihomkhak zenzenleh amanlang in huhnget ziautheih nadingin mekding ahihi. “SOS Message” pen “international code signal of extreme distress” kici a, cimawh dongtuah ciangin huhngetna, Distress Call zong cihtheih ahihi.

Nungsungteng adiakdiak in Uber Driver leh Passengers te kikal ah buaina tampi kinawhzak mahmah hi. Abeisa kal 2 sung bekbek in Uber tetawh buaina Report akibawl pen 3 veibang omkhin mawk hi.

SPAD chief executive Mohd Azharuddin Mat Sah in agenkhiatna ah Senior Malaysian Uber Officials tetawh kaki mukhawm uh ci a, abeisa buaina te etkikna, kikupna kanei uh cihi. Mailam ah buaina aomloh nadingin Uber App sungah SOS Button pen amanlang in koihding kikum ci uh a, tua SOS Button akimek ciangin Malaysia Law Enforcement tetawh kizomziauding cih ahihi.

Tuabangdang SOS Button pen India gamsung ah akizang Uber App ahzong omkhin hi. Malaysia gamsung ah zatding Uber App ahzong SOS Button ki thuahsak dinga, ahi zongin ahun Deadline ciangtanna omlian nailo hi.

Uber bekthamlo, Grab te’nzong amauzat App sungah SOS Button akoih nadingin ki zasakkhin cihi.

Tuaban ah Malaysia gamsung aom e-hailing operators khempeuh in mawtawhawl Driver khempeuh ii Data pen SPAD te tungah tukhasung in piakding ki zasakkhin cihi.

Tuciangciang Malaysia gamsung aom e-hailing operators tepen amau ii Company ciatciat panin Driver te sitcianna anei uh ahihi. Ahi zongin mailam ah Driver’s Database pen Malaysia kumpi SPAD te tungah ki apsak ding a, abeisa in gitloh gamtatna Crime Case anei ngeihiam cihpen limtak in ki sitcian photding cihi.

e-hailing drivers dingin koihhuaimaw, koihhuailo cihzong Psychometric Testing kibawlding a, amau ii “Personal operating styles” zong hoihtak ki sitcian dikdekding cihi.

Tuabangin Malaysia kumpi thukhun pen hoihtak azuilo Performance Standards azuilo tepen sum ki liausakding “Financial Penalties” ki piasakding cihi.

More: Uber Driver khatin numeikhat nawngkaisak ahih manin aki satgawp laitak Video kizaihkha

Uber Company in GPS Tracking System neikhin, zangkhin uh a, Uber Taxi natuansim in napaina, natunna, nasawt hunding “Estimated time of travel” cihte pen na it, na innkuanpih tetawh ahunhun in ki Share sawn, ki zasaksawn theihi. ZD Sawltak #zomidaily