Tuunnu Banzaal’ Zuapa Banzaal

Tuunnu Banzaal’ Zuapa Banzaal

Tuunnu Banzaal.

Kawl an’ Sen an.. Katheilo
Sung gilkial leng.. Ka tuun nu banzal
Buhciim le ga’..Vaimiin gau
Aciim huansa .. Aminsa
Sunsang tuah teh..Neklian liim

Meitei gun nga’ Zalui nga’
Tuimii lui leh Phil lui nga
Tui ngo lui leh Tuisawm nga
Aliim theithei in.. Kang keu

Liing uih teh leh Ngasa no
Zasan sial le Cii humham
Khutmee khawk in..Meh ciauciau

Aw… Ka tuunnu banzal
Manta pum leh Mehkha pum
Buhciim lak pan la kekkek
Gilkhial hun ah’ Anliim pen
Tuun nu anhuan mah liimpen!

Zuapa.. Baanzal!

Vaimiin ngek leh… An zoteh
Khumpian dikdek’… Keu tawh hawp
Mehthuk pum emm… Zasan hing
Zasan suum ah… Deng zaan lel

Zing leh nitak.. Hawp dildil
Sazuk saphelh… Ngal saphelh
Cihum ham tawh.. Meh phiauphiau
Leitung mihau te’n zong..Nezolo
Leiiding mulo…I Zo ann
Ka khankhiat… Ikhanna

Zuapa zaitha…Saphelh tam
Duh zawkzawk pet’…Haai diaidiai
Kua khan englo… Lungnuam lel
Gilvah kingkeng’… Lo hung kuan
Sun an ding in… Pua lenlen
Sung gilkial teh… An thawl la

Saphelh namkim leh… Vaimiin cimm
Buktau tung ah..Ne liauliau
Gil vah khin leh.. Kiilong tum
Kua hauh Kua maan.. Kisam lo

Khan khat ading.. Anuam lel
Vaimiin ngek leh..An zoteh
Khamtak nek mah.. Anuam ei’

Hau Thang