Tutna mun 5 (Thukhen zum leh Politics sepna ah)

Tutna mun 5 (Thukhen zum leh Politics sepna ah)

Thukhen zum ah tutna mun 5 om a: 1) Judge – Thukhen တရားသူႀကီး 2) Lawyer – Sitni – ေရွ႕ေန 3) Witness – Teci – သက္ေသ 4) Plaintiff – Thubawl – တရားလို 5) Accused – … တရားခံ

1). Judge ( တရားသူႀကီး ) in Lawyerte, Tecite, Plaintiff leh accused cihte’ thugen khempeuh limtak ngai in thu aman, adik leh atang a akhen ding ama’ nasep ahi hi.

2). Lawyerte ( ေရွ႕ေန ) in amah mahmah thukim leh thukim lo, diksa leh diksa lo cihtawh thu genlo a, a panpih lam zawzaw a hihtheih zah in gum tentan in thugen hi.

3). Witness ( သက္ေသ ) in a muhbang, a piang bang, upmawh hilo, a hithei ding ( mailam thu ) hilo, a hikhin pen ama muh leh theihbang in gen hi.

4). Plaintiff ( တရားလို ) in a mawhpaih accused/တရားခံ pen a khialhna, a mawhna kaikhawm in mawhsakna kam bekbek gen hi.

5). Accused ( တရားခံ ) in a kimawhsakna khempeuh a mawhlo, a khiallo dinmun a tunna ding leh mawhpaihna pan a suahtak, a kipen’na ding in amah leh amah kidal in thugen hi.

I nisim nuntakna leh midang tawh kizopna hitaleh, i kipawlna tuamtuam, i politics, civil society leh social mediate dong ah mimal khatciat hih atung a mun 5te lak ah mun khat teitei ah ki om ciat pian den hi.

Khatveivei ei le ei i kikoihtawmna mun ah i omkhak lel hun om a, khatveivei midangte’ ong koihna mun ah i om hun, tuamun ah i pan hun zong om zelzel hi.

Mun 5te’ lak ah khatna ( thukhen mun ) bek mah in khentatna bawl hi a, adangte bel thukhenna amau’ deihdan, amau’ ading ahi ding deihna tawh apang ciat uh ahi hi.

Politics ah “judge” mun pen khatvei leh makaite hizel a, khatvei leh mipi hizel hi. Pawlzonna ah lawyer bang a apang keka pawl a thahat ding kisam mahmah zel a, pawlkhat in judge ( makai /mipi ) mai ah midangte a mawhsak, plaintiff dinmun lak kizen mahmah thei zel uh hi. Pawlkhat leuleu kuaman bangmah ci nailo pi na kidal khol zawzen in, “accused” dinmun lakhol a, kisungsia hiam cihtheih ding khop in amah le amah ana kidal/ defend khol bang zong om zeuhzeuh hi.

Nang/Ke’n koitak mun la a, koi ah om ihiam cih ngaihsut huai zelzel hi. Mun a lakhial pawlkhat zumhuai thei in, a maban ah lawhsam thei hi.

Nang (kei) Koi ah? 1. Judge, 2. Lawyer, 3. Witness, 4. Plaintiff, 5. Accused. ?????? ~ Pau Khat Suan