Turkey gamsung ah zanni Saturday (20 August) ni in mopawi bawlna khatah Bomb ki sukham sese a, mi 22 si in adang mi 94 bang liam cih AP News pan kiza hi. Syria tawh gamgi gei aom Gaziantep City sungah thupiang hi a, hihpen migilo te gamtatna hiding ci’n thunei te’n genkhia uhhi.
Kumpi thunei te pulakna Statement ah hih Bomb apuakkhap hun pen nitak 10:50pm hunpawl ci uh a, hihbang in agamta te pen nakpitak in mawhsak mahmah uhhi. Ahi zongin athu akician in genkhiatna neinailo uhhi.
Loal Journalist khat in NTV Television te kiang agenkhiatna ah hih Bomb puakkhampen ginngaih luamahmah a, khuasung mun gamlapi panin zong kizazo dinghi cihi.
Hih Bomb sukhampen ko gamtatna hi ci’n apulak kipawlna omnaipahlo a, ahi zongin IS te gamtatna mah hiding in ki ummawh ci’n thuneite’n gen uhhi.
Abeisa kumte ahzong Turkey gamsung ah buaina Bomb kitapna te piangzelzel a, atamzaw pen Kurdish te gamtatna kici hi. Nungdiak June khasung inzong Istanbul Airport sungah IS te’n Bomb sukham uh a, mi 44 in sihlawh hi. ZD Sawltak #zomidaily
Related: Malaysia Selayang – Kepong lamzikpi tungah palik te’n mi 2 kaplum
Zomi Daily website tungah thului thuthak khatpeuhpeuh suaksaknop aomleh email [email protected] tawh kipuak theiden hi. Lungdam!
Comment piaknop aomleh...