Tuni Kawlgam thuthang (02 July)

Tuni Kawlgam thuthang (02 July)

Zangkong Khuapi, Minigone Lei’tunga akhawl, Palik Misokte mawtaw sungpan Bomb puakkham in asi,aliam, abai omlo cih thu hiphot hi. Mizzima Media.

Bago gamhuam, Pyi Khazai, Pongti myo, Hentakan venga, galkap misokte thupuak sim den, dalan makaipi khat, tuni zingsanglam nai 6:00am pawlin PDF te’n kaplum hi ci-in kachin media in gen hi.

Abeisa June30 ni, Falamah palikte zukham in, amaulemau kikap kha uh a, Palik bu khat agilpi pan kikap kha in Kawlpi zato puak mah leh tuni July 2 ni-in. Kalaymyo zato pan si hi ci-in Zalen in gen hi.

Tulai natna tawh Zomite i buai mahmah lai takin, Pateh gui cih khawng i om loh ding thupi mahmah ding hi.

Zogam,Paletwah ah Zakhai galkapte’n, khua khat panin, mi 3 ta Zakhai galkap dingin, annar in la uh hi ci-in Chin world in pulak hi.

Nungak pawlkhat sun tawntung ihmu mah leh zong, ihmut suak veve hi ci-in nungak pawlkhat in gen hi.

Zogam,Tonzang Khuapi pan Tg Pau Do Mung, tuni a kipanin CDM lut hi ci-in Chin World in gen hi.

Zangkong khuapi, enseng insein a CID pilna asin Palik (120) te lakah (114) in C-19 ngah hi ci-in Myanmar Celebrity in gen hi.

Norway gam neihsa, Telenor Company kizuak ding hi. Feb 1, galkap ukna buluak a kipan kawlgam Telenor te sumlut kiamlua ahih manin, tua hangin zuak ding ci hi. Zomite alei nuam zenzen i om leh kithawi ni.

USA gam om, SB Kham Hau Paute innkuan in Tedim Zatopi ading huhna Aum teng200 piakhia hi ci-in Tedim Times in gen hi.

Sagaing region, kawlen khua ah, KIA leh PDF kipawlin, Galkap Misokte do huan uh ci-in Kachin Multimedia in gen hi.

Tuni kalaymyo ah C-19 tawh mi 2 ai-in, C-19 tawh muanmawh mi 26 si hi ci-in Khomunthang media in gen hi.

North Korea Kumpipia Kim Jong Un pen nidang sangin gawng zaw ahih manin, mipite patau uhhi ci-in eleven Media in gen hi.

India kumpi in Israel te galvan, thautang kapkhiatna Anti drone pen India gamgi kep nading in lei thei ding hi ci hi.

Lasiam, kineih siam pawlkhatte asawt loin suakta ding hi ci-in amaulam sitni meltheih te’n gen ci hi. BBC

Leitungbup Zomi Innkuan (Global Zomi Alliance) makaih na tawh july ni3 ni, zingsang nai 9:00am kawlgamhun in, Pasian khephungah thungetkhop na cih thulu zangin, thunget khopna ki nei dinga, tua laiah Zomite’n zom tek ni.

Pasian nasemte thapiakna cih thulu zangin,july 3 ni, nitak nai 7:30pm-9:00pm kawlgam hunin, Rev.Dr. Jm Paupu makaih na tawh om ding ahih manin, Zoom ah ong kihel kimciat un ci-in iki zawn hi. V. Khualpu Zomi