Tulsa khua aom Zomite’ aading lungdam huai thukhat

Tulsa khua aom Zomite’ aading lungdam huai thukhat

Tulsa Khua sunga om Zomite Khempeuh, Zomite’ aading deih sakna tawh a nuai a, hun geelna bangin Bank of America te’ makaihna tawh a nuaia thusinna (Seminar)te bangmah sum la lo in, a mawkna tawh a hunhun in ki nei ding ahih manin a lunggulh te in nong pai nading un deih sakna lianpi tawh kong theisak uh hi. Tua lai ah Mangpau leh Zopau tawh ki sin khawm ding hi.

Thusin Dingte:

1. Credit Seminar (Credit Card zat dan leh a hoih nading)

2. Home/ Auto Loan with the best Rate (Inn/ Mawtaw lei nuamte a met tawm thei pen tawh sum tawi theih nading)

3. Small Business Loan (Sum metbawl nading sum tawi theihna lampi)

4. Citizenship Test Preparation Course (US Gammi suahna a phi nuamte ki gin kholhna)

5. Auto Learner Permit Preparation Course (Mawtaw hawl sin theihna letmat ngah theih nading ki gin kholhna)

Thu sinni leh a hun Dingte:

1. A tunga nambat 1 pan 3 dong pen Kha khat in nih vei Monday (Nipi Khuavak) ni masa pen leh Saturday (Sani) masa pen in ki sin ding hi.

2. A tunga nambat 4 pen Kha khat in 4 vei ki sin dinga, 2nd & 3rd Monday (Nipi Khuavak nihna leh thumna) leh 2nd & 3rd Saturday (Sani nihna leh thumna) in kisin ding hi.

3. A tunga nambat 5 pen Kha khat in nihvei kisin dinga, Last Monday (Nipi Khuavak Nunung pen) leh Last Saturday (Sani nunung pen) hi ding hi.

Thusin Hun Dingte:

1. Mondays 5:00 – 7:00 pm (Nipi Khuavak nite pen nitak nai 5:00 pan nai 7:00 ciang)

2. Saturdays 1:30 – 3:30pm( Sanite pen nitak nai 1:30 pan 3:30 ciang)

Thusin nading Mun:

6847 S Peoria Avenue
Tulsa, OK 74136

Contact: (918)551-9516, (918)312-1126

Theih Ding:

Thusin Ni/Hun leh Thusin dingte pen a ki sam bangin a hunhun in hong ki zasak ding hi.

Pasian in Zomite bangkim ah a khangto ngiat dingin Ukna lungsim leh thupha hong pia tahen. Mang Khan Khup