Tulaai Leitung Thuthang Tuatuam Updates June 28,2016

• ‪#‎Zomi‬ Khawmpi USA-2016 sim ding in India gampan Pu Thang Khan Gin, Kawlgam Upper Parliament pan Pu Gin Kam Lian, GZA pan Dr Go Cin Zam, ZCD Pan Pu Zen Khan Khup, Pu Kam Lam Khup te USA gam ongtungkhin ta uha, Tutung Zomi Khawmpi ah Zomi tawh kisai kikupna ZomiForum thupi tak kinei in Zomi te maailam ding thukhat teitei vatsatding cih thu kiza hi.Tua ban ah Zomi Khangno Mipil KuuiTungtuang Tg Tuangpi zong kihelthei ding a Pilna lamtawh kisai Youth Forum zong thupi tak in bawlding uhhi. Music City mah in om La kinaak sak sawm mahmah a Idol demding bang mi 30 vaal cizen hi. Napai kei ngeingei leh nasi zong in kapai loh cici ding hiteh.

• Turkey gam Istanbul Vanleeng Tualpi June 28, 2016 ni in Misok te in sim in munthum ah bomb puakkham sak uh ahihman in tu ciangciang misi 28 pha ta liamna tawh tawh zato kipuak mi 60 cingto ta ci in Turkish New Agency te taangkokhia uhhi. Kua khutma cih kitel lian naailo a Biangmul chiapchuap misok te ding mah in lam enphot uhhi.CNN

• Yemen gam khuapi Sanaa khuapi sung mun-4 ah June 28, 2016 ni in bomb puakkham a Gaalkaap 41 leh Naupangno khat si in adang mi 30 vaal liam uhhi. IS misok ten online pan in hihpeen komau khutthah kapsakna hi ci in genkhia uhhi.CNN

• Kawlgambup thudotpi Pi Suut Cing leh Kawlgambup kilemna ding NCA ah suaikaai khin thautawi tawh tawilo tawh kipawlna-8 te pan makaai te June 28, 2016 ni in Nyipidaw Khuapi Horizontal Lake View Hotel ah zinglam nai-10 suun nai-1 ciang kimukhawm uhhi. Pi Cing inbel Mualmi ten nalunggulh mahmah uh, Federal icihcih peen muanhuaitak leh khotak a mualsuahding cih kumpi lampan ka ngim uh ci in tawm Aungsan huihtawh aviik pheipah leh Mualmi ten umpah diamdiam in 21st Pinlong bang August kha beima bawlding in kithukim pah seisai uhhi. Mualmi lampan KNU ah Makaailam ahi Lutol keukau khat makaai in mi-8 pha uha, Pi Cing te zong mi-8 mah ongkuan uhhi.VOA

• Britain or UK te EU Pawlpi pan taaikhiat ding Atamzaw thukimna Mee tangtawh la in Taaikhiat ding atamzaw in athukim zawh amasa peen Prime Minister David Cameron EU Parliament ah June 27,2016 ni in vakah chauchau mawh a, Britain gam in EU Pan kataaikhia taktak uhhi cihthu keimah Prime Minister David Cameron mintawh laai kongpuak ngeikei dinga, kei tawpkhit ciang akiteelthak Makaai ten ongpuakding ci in gengiap hi. EU pawlpi sung ah Upa zawdeuh French, German leh Italy ten ahih leh Pawltaaina laai kician tak a EU Parliament ah nonpuak mahsiah bangmah kizom loding cihsan uhhi.VOA

Lungdam
Khawm Pau