Tulaai Leitung Thuthang Tuamtuam Updates October 8, 2015

Tulaai Leitung Thuthang Tuamtuam Updates October 8, 2015

Welcome Back!!!!!!!!!
· Syria gam tualgaal kum 2 vaalkhin vengthei mahmah lo ahihman in Syria President Bashar al-Assad thuneihna huh panpih den Russia te in September 30,2015 nipan Syria gam sung a kumpi langpang tapong te phualpi teng Van pan Beltung khiat kipan ziahziah uha, October 7, 2015 ni vanlam tawh do kaalkhat acinni lian mah in IS te leh Kumpi langpang Tapong te phualpi teng Caspian Tuipi tung a khawl Gaal Tembawpi tungpan agamla kaapna Thaupi tetawh bankaap gawp uhhi.

October 8, 2015 ni zinglam pan kipan in Tanks thaupi mawtaw minthang nono 50 ding leh Leilam gaalkaap 1000 puakkik uha aomsa 2000 tawh Gaalkaap 3000 bangcing ta hi. Assad kumpi langkhat ah apang Tapong te huh in apan pih NATO ten October 8, 2015 ni thukin thukikupna nei uha, athu in Russia ten Syria gam adozia dik asaklohna uh heemgen in vaubawlta uhhi. Russia Defense Minister pan bel Obama in amipi te kheem hi. IS te dolo hi cihsan hi. Gaalpi thumna gim nam hiauhiau ta ei. US te leuleu in October 8, 2015 ni in Russia ten Syria gam a IS te phualpi tuipi tungpan Thaupi tawh akap uhhang Athautang 4 Iran gam ah kia cihsan uhhi. CNN

· October 3,2015 ni Afghanistan kumpi te ngetna tawh US Vanlam ten Kunduz khuapi a Zato innpi khat Bomb akhiatna hang in mi 22 si a 33 mangthang laai hi. Hih mun ah Piantit gambulphuh gamgi neilo Siavuan kipawlna MSF te pawlkhat si uh ahihman in lungkimlo uha, UN dong thubawl uhhi. President Obama inbel October 8, 2015 ni in thuummial mualsam hinapi Gaalkaap Maangpi General John Champbell in bel ngetna ombang a nakisem hin US gaalkaap te sang mipi itzaw omkei cihsan hi.BBC

A start na ci pak ni ei

Lungdam

Thang Khawm Pauzomi