Tulaai Leitung Thuthang Tuamtuam updates Jan 7,2016

Tulaai Leitung Thuthang Tuamtuam updates Jan 7,2016

**2016 kum December kha sung bekbek in US leh apawl ten IS migilo 2,500 golum uha, IS te mun 20,000 Square Kilometers lakik zo ci in US Galkap Mangpi Colonel Steave Warren Jan 6,2016 ni in genkhia hi. VOA

**N Korea ten Jan 5,2016 ni in Hydrogen Bomb kazo ta uh ci a atangko na hang in UN Security Council leh adiak a gum leh akilawm mahmah China ten zong mawhsak na Jan 6,2016 ni in pulaak khia uhhi. VOA

**USA gam California state sung ah abeisa October,2015 pan kipan Gas pipe keh kipan a tu in suuksia mahmahta ahihman in lauhuai hi kidawm un ci in Governor Jerry Brown in Jan 6,2016 ni in taangkokhia hi. VOA

**US President Obama leh Japan Prime Minister Abe te Jan 6,2016 ni in phone tawh kiho khialkhial uha, North Korea te ivik maidiam cihciang kiho uhhi. Obama in bel Abe enlai phot ni ee Galvanleeng B-32 te lengsak leeng Kim Jong Un bucip lello dia cihsan hi. Mr Abe in bel ko Japan te peen ki ngimngim cihte azangtheilo kahi uh aw, world war 2 laai nazakha hia cihsanphot hi. US ten ahih leh Japan leh South Korea te mai ah kikham tawntung ding kahihman un lunghi mawh sekei un cih thu President Obama ib genbeh hi. CNN

** Saudi Arabia leh Iran te abeisa kaalnih pawl in Shia Muslim makai khat Saudi Arabia ten athahlup na hang in gamnih akingimngim uh ahihi. Iran gam Tehran khuapi a om Saudi te palaai zumpi Iran mipi ten nasimpah gamnih kikaal tuma kum 100 lompan buaina te ongki phonglo kikta hi. Saudi te peen Sunni Muslim nam hia Iran te peen Shia Muslim nam ahi uhhi. Hih Muslim namnih peen taanvtawng pan abuaiden uh ahihi. Hihbang kawm kaal ah Yemen gam Sanaa khuapu a om Iran te palai zumpi Jan 7,2016 ni in gaalvanleeng in bomb nakhiat ahihman in Iran ten Saudi te ngawhpah uha, keeksa in akipan laaitak uh ahihi. BBC

**Libya gam Zliten khuapu sung a om Palik te siamsinna phualpi ah apawlmin kitheilo migilo ten Jan 7,2016 ni in bomb puakkhamsak uha, mi 50 sipah in 127 liam uhhi. CNN

**Piantit gam Paris khuapi sung a om Palik zumpi ah Jan 7,2016 ni luut in ngongtat na abawlsawm Pasal khat palik te namu man uh ahihman in nakap pah uha.. Kaplum vel uhhi. Tuni peen Charie Hebdo thuthangzum migilo ten akap zawh kumkhat cin phawkna abawlni uh zong ahihi.CNN

**Lungdam***

Topa’ Thupha maw leh
Khawm Pau