Tulaai Leitung Thuthang Tuamtuam Updates February 6, 2016

Tulaai Leitung Thuthang Tuamtuam Updates February 6, 2016

· Taiwan gam Tawlam ah 6.4 thahaat zinlinna in February 6, 2016 ni in nawk ahihman in Tainan khuapi sung a Inn kicim in mi atawmpeen 17 sikhin a, Pawlkhat Inncim in veknelh laai in mi 500 vaal liam hi ci in Taiwan mihonkhia thunei te in taangkokhia uhhi.

Mi 200 vaal kihonkhia zopan a mi 30 mangthang laai ci uhhi. Apoina lian peen mi 256 ateenna Innpi Dawl -7 khat zong akicim lak ah kihel ahihman in mi tam liamphadiak ci uhhi. BBC

· Leitung mihing te lak pan Khapi tung asik a 6 na pa ahi Edgar Mitchell kum 85 in ateena Florida pan February 5,2016 ni Khapi tung akah masak nipan kum 45 aphakni lian in leitung nusia ta hi. Edger peen February 5,1971 nilian a khapi tung ah nai 9 sung avataam ahihi. BBC

· Iraq gam Irbil khuapi sung a om Hotel pi khat February 5,2016 ni in meikaang a, zintung te aihmut pikpek laitak uh ahihman in mi 19 kaanglum uhhi. Akanglum mi 19 lakpan mi 14 peen Philippine gampan hi a, mi3 Iraq mi hi in khat Palestinian leh adangkhat agam kithei naailo ci in Iraq gam thunei ten genkhia uhi. BBC

· Leitung gam Phengphi mahmah lakpan acian lingleng laai ahi North Korea gam te in South Korea gam tawh akineh mahmah munkhat pan agamla kaapna Thautang sinna February 6, 2016 ni in nei uhhi. Hithu hang in UN Security Council in February 6, 2016 ni in thukin thukikupna sampah uhhi. VOA

· US gaalvanleeng ahawl kisamlo te leh Afghanistan gaalkaap kipawl in Vanleeng teng atungpan gaalkaap ten anuailam hawmdimdiam sa in February 6, 2016 ni zantha paai Afghanistan gam leh Pakistan gamgi dung ah IS migilo te bengkhawm uha, IS migilo mi 28 golum ci in Colonel Michael Lawhorn in genkhia hi. VOA Lungdam, Thang Khawm Pau ZOMi (Bowling Green , Kentucky, USA)