Tulaai Leitung Thuthang Tuamtuam Updates Dec 9, 2014

Tulaai Leitung Thuthang Tuamtuam Updates Dec 9, 2014

· Tunung ni 50 sung Israel ten Gaza khuapi asimna uh ah akilawm akituak zahsang uangtatzaw uha mawhnalianpi Israel ten nei uhhi ci in Amnesty International te in December 9,2014 ni in leitung leinuai zaakding in taangkokhia uhhi. Israel lampan bangmah uk ee ak ee cihlo vetse uhhi. BBC

· Philippine gam huihpi leh guahpi in nawk in mi 27 bang asihkhit ciang huih le guah bek hilo migilo tenzong December 8,2014 ni in Philippine gamtaw lam Maramag khua ah bomb napuak khamsak uha, Bus pi khat sukha ahihman sangnaupang 9 sipah in 20 liam ci in palik ten gen uhhi. VOA

· Taangko kholhna bangmah omlo in US Defense Secretary Chuck Hagel Iraq gam Baghdad khuapi December 9,2014 ni in tungkhian a , Prime minister Haider al-Abadi tawh kimukhawm in IS migilo te nuai vuinading in gaalkaap thaa gaalvan tamtheithei behlapding kikum ngekngek uhhi. BBC

· New York khuapi leh Ferguson khuapi te ah asawtlo nungdeuh mahmah in mivomte mikaang palikten akap lupna hang in lungkimlohna zanthapaai alak mivom 150 te California state ah palikten December 9,2014 ni in man uhhi. US gamsung alawh pianpian ta uh ahihman dipkuat mawhlo thukhat ahihi. Tuni thuthang tawm ei, Thang Khawm Pauzomi