Tulaai Leitung Thuthang tuamtuam te October 26,2016

#London Khuapi a phualsaat CAF kici leitung gamtuamtuam pan piakkhiatna ahi World Giving Index encik pawl in 2016 ading in gam 140 lakpan Kawlgam piakkhiatna ahaatpeen hi ci in October 26,2016 ni in taangko khia uhhi. Gam zawng peen Piakkhiatna ahaat peen.VOA

# Kawlgam pan a taai Refugee te lakpan amasa peen mi-6 innkuan khat Thailand gam pan October 25,2016 ni in Kawlgam ciahkik ta uha, 26 ni in zong mimal 56 ciahlaai uhhi ci in UNHCR thunei ten Geneva khuapi pan tuni in taangko khiata uhhi. Hih aciahkik te pen zAwhthawh thutawh kipuak hilo a amau utna tawh kiciahsak ci uhhi.

#US President kiteel ding ni-12 bek kisam laai ahih man in President suakding ahi Mihau Donald Trump leh Hillary Clinton te anihtuak vua amai ngap meelloh na uh ahi Florida State ah Mee tangzonna aneihna vuah ahaampi in Trump 2% in tamzaw a ahizong in gambup huam in Clinton mah tamzawmawk ahihman unmm in Nu mei kumpi kinei khading ci atamzaw in lam en uhhi. Ahizong in tukum peen thukhem zumpi te in mee kuang encik ding State kim ah puakzawh sawmlo uh ahihman in buaina om ngeingei ding ci in thuthei zaw deuh ten gen uhhi.VOA

#2016 Kum aiding lam etzah sang Refugee misi tamzaw ta a hih misi te peen Middle East pan EU luutsawm Mediterranean tuipi pan vive hi ci in UNHCR thugenkhuan ngah William Spindler in October 26,2016 ni in taangkokhia hi.CNN

#Iraq gam khuapi lian nihna ahi Mosul khuapi IS misok te khutsung pan lakkhiat kikzawh nading in kiu thum pan Iraq gaalkaap ten nasiatak in asim laitak un IS ten neek le dawn gaalvan kisam te Syria gam Raqqa khuapi pan nalazel uh ahihman in US leh apawlpih gam-13 ten Iraq gam IS phualpi leh syria gam a IS phualpi thakhat in do kituaksak ding in kigingkhol ta ci in US Defense Secretary Ash Carter in October 25,2016 ni in genkhia hi. VOA

#Italy gam laaizang pawl mun-2 pan 5.5 Magnitude haat in October 26,2016 ni in zinliing a, ROM khuapi bang ah inn te kilok zo ziahziah hi. Asi aliam leh Inn le lo sia kitel nailo ci uhhi.Nung tuma kha 2 pawl in zong himun teng mah ah zinling a mi-295 si hi.BBC

# Russia ten Agamla kaap theih nading thautang hoih mahmah khat bawlkhia zota uha aminneu ding in “Sata-2” vawh uhhi. Hih Thautang tawh Russia gam pan Piantit gam leh Texas ciang tai 6,800 ciang deihna munmun kaap thei ta ci in Russia State Media in October 26,2016 ni in genkhia hi.CNN

Thang Khawm Pau