Tulaai Leitung Thuthang Tuamtuam Updates (Sep 13)
Hurricane Irma hang in mi-6 sihbeh
US gam Florida state sung Hollywood khua Uhaam kepna innkhat ah Meikingah haklua aircondition omlo ahihman in September 13,2017 ni in mi-6 asisa in kimu hi. Asinaili adamg mi 115 te thuneiten mun muanhuaina ah hemkimhia pah uhhi.BBC NEWS
Sang ah kikapna piang
US gam Washington State sung Spokane Khuapi sung a om High School khat ah September 13,2017 ni in kikapna om a sangnaupang khat si in mikappa palikten mankhia pah uhhi.USA TODAYS
Russia gam muntampi ah Bomb puahkhap sawm
Moscow Khuapi akipan Khuapi sung leh munthupi teng ah Bomb nasiatak in puakkham ding cih thu September 13 ni in launa lianpi ngah uh ahihman in Kumpi thuneite in Sangnau leh Mipi pawlkhat tuahkawikawi buai khengkhang uhhi.CNN NEWS
UN ah Rakhaing vaai
UN General Secretary Pu in Rakhaing gam a gaalkaap te gaaldona peen tumahmah akhawlna ding Rohingya micimawh te panpih nading ngetna September 13,2017 ni in bawl a Nobel minphatna ngah mi-12 in zong suaikaai in UN tung ah hih Kala te vaai laiphahna nei uhhi.CNN NEWS
US Treasury Secretary Pa Honeymoon
US gambup sumkeempa Steven MnuChin in azitawh honeymoon French,Italy leh scotland gamte ah apai nading in US Airforce Jet ngen hici in azumten September 13,2017 ni in taangkokhia hih Airforce Jet peen naikhat sung alen nading bekbek $25,000 ta beiding cimawk hi. US Ah aom ngeinailo thulamdang pawl in kiciamteh hi.USA TODAYS NEWS
India Thautang Meileeng zangta ding
India gam te in Japan te sum $17billion leitawi in abawluh thautang meileeng peen September 14,2017 ni in konghonpawi bawl tading uha, Japan PM Shinzo Abe in honna vaneihpih ding hi. Hi meileeng peen Mumbai leh Ahmedabad Khuapi kikaal taaizialzial ding ci uhhi.BBC NEWS
Related: China, Hangzhou City aom Restaurant khatpan Gas bung puakkham in mi 2 si, 55 liam
Hurricane Jose huihpi in US ongkik ding
Atlantic tuipi pan ongkipan Hurricane Jose kici huihpi in Bahamas leh US leitang ongnawkkik khading ci in Khuahunsiam te in September 13,2017 ni genkhia uhhi.CNN NEWS Thang Khawm Pau
Comment piaknop aomleh...