Tuahkhialhna pan theihsakna ~ Lengtong Pauno

Tuahkhialhna pan theihsakna ~ Lengtong Pauno

13.3.2018, Tuesday zan nai 10pm in, Kajang pan MRT meileeng tuangin, station 10 val agamla ka omna innveeng Maluri station dong kaciah hi.

Maluri station atun’ciangin ka pusuakkhia hi. Leitung pan thuukpi station ahih manin, amasapen ဓာတ်လှေကား ka tuang hi. Anih veina ဓာတ်လှေကား ka tuangto leuleu a, tawl mahmah kahih manin, ka khesiik bek simlo in, ka ziatlam khuttawh khutlet lenin kaki ngam ngiahnguah khase hi.

Adawn’ katungto dektakta hi. Kakhutlet sang’a ka khesiik na hat (manlang) zaw hiding hiven, athallup danin ka om mawk a, ka pumpi’ gikna ka khutin khaizo nawnlo hiding hiven, asuk lamin athallupta kahi mawk hi.

A လှေကား lah apaipai hi a, ka pumpi golna lah akah siiksan tungah awkzolo ahih manin, atopai kahleii tungah,aki khuuksuksuk, laam 2 taang bang aki khuuksuk kahi hi.

Ticket (လက်မှတ်) zuakna zum sunga te’n hong phawkkha bilbel uh ahih manin, လှေကား khawlsak (off) uha, kei hong phongin, azum sunguah, ka liammate zatui hongnuh hongzut uha, hong tuamsak khit uhciangin, ka omna inndong, pasal nihin hongkha uhi. Asaupha mahmah ဓာတ်လှေကား tuanglai leeng leitung aki tungpan ahi hi.

Kong theihsaknop penin, Keimah banga athahat nawnlo, nupi papi piteek puteekte Escalator ဓာတ်လှေကား ituan’ ciangin, ikhesiik leh ikhutlet pen ahatna (speed) kikimlothei ahihlam mangngilhkei ni.

More: Hong Kong Shopping Mall sung aom Escalator khat lehtaigawp in mi 18 liam

A kahto bang hileeng, ikhutlet sang’… ikhesiik hatzaw leh, tu a kei tuahmah bang ituak ding hi. Ikhesiik sang’ ikhutlet hatzaw lelah, muuktu lua kisa in ibokliang ding hi. Ka lungdam, Munkhai’pa