Update: New York aom Trump Tower meikatna hangin mi 1 si, adang mi 4 liam
USA, New York khuapisung aom Trump Tower meikatna hangin pasal kumhamkhin khatin sihlawh cih AFP pan ki zakbeh hi. US President Donald Trump ii neihsa Trump Tower ah meikang ahih manin, tua pasal kumhamkhin “elderly man” in Saturday nitaklam in asihlawh ahihi.
New York Police Department te genkhiatna ah tuapa pen kum 67 aphakhin khat ci a, meikatna aphual ah Officer te’n tuapa amuhkhiatcil in khua phawklo, akhut akhe gamtang vetlo in amuhkhiat uh ahihi.
Tuapa pen Mount Sinai Roosevelt Hospital ah zatui kibawlding in kipuak a, ahi zongin asawtlo in si hi ci’n Police te’n pulakkhia uhhi. Asihna ahang akician in Medical Examiner’s Office te’n hoihtak kankhia in pulak khiading uh cihi.
New York City Fire Department (FDNY) te genkhiatna ah hih meikuang pen aphelh ahamsa mahmahkhat ahihi. Ih theihsa mahbangin meikatna pen inndawl 50 Stories ah hi a, Apartment pen azai agol mahmahkhat ahihi. Tua meikatna hangin adang Building khempeuh ahzong meikhu tampi ki theihzak hi ci’n thunei te’n genkia uhhi.
Adang aliam akici tepen meiphelh in adelh Firefighter te ahi uhhi. Ahi zongin tua Firefigter aliam mi 4 tepen nuntakna beilawhliang dingin gimsialua samlo cih kizakbeh hi. Sawltak #zomidaily
Video: One person has died from a four-alarm fire at Trump Tower, FDNY spokeswoman Angelica Conroy tells CNN.
New York aom President Donald Trump ii neihsa Trump Tower meikang leuleu
USA, New York khuapisung aom Trump Tower ah meikang cih AFP pan kiza hi. Fire Department te genkhiatna ah meikatna pen Trump Tower ii inndawl 50th Floor ah Saturday nitaklam in akang cihi. Tua Trump Tower meikatna hangin asi aliam bangmah kizakna omnailo hi.
Nitaklam 6pm hunpawl in Midtown Manhattan aom Trump Tower Skyscraper innsangdawn panin meikhu kigalmuh a, ahi zongin asawtlo in meikhu thengkik hi.
Tua meikatna Building innpipen US President Donald Trump ii neihsa hi a, The Trump Organization ii Headquarters zong hipah hi. Abeisa President asepma in Donald Trump pen hih innpi sungah aomdenzaw hi a, “Triump’s Primary Residence” ci’nzong akitheikhat ahihi.
New York City Fire Department te’nzong Trump Tower meikat laitak Twitter tungah Photo khahkhia uh a, Building pipen meikhu tawh kimuthei hi. Meikuang ahihleh Firefighter te’n phelhkhinta uh hileh kilawm hi.
More: USA “Statue of Liberty” ah geelkholhna omlopi in Electric mei mialcip citciat
President Trump ngiat inzong meikuang pen ki phelhsiang khinta hi ci’n genkhia hi. Trump Tower ah meikuang pen kiphelhsiang khinta hi. Meiphelh Firefighters te nasep kician mahmah hi, ka lungdam hi ci’n Twitter tungah gelhkhia hi.
Hih Trump Tower pen abeisa tukum January khasung inzong khatvei meikang ngeikhin a, tuahunlai in mi 3 in liamlawh uhhi. Sawltak #zomidaily
Comment piaknop aomleh...