Trump in US – Mexico kulh ciannading asum kikhiam sakding ci

Trump in US – Mexico kulh ciannading asum kikhiam sakding ci

Feb. 11, 2017: US President Donald Trump in US-Mexico gamgi a kulh cian’na $10 billion kiim bei ding hi a cih hangin Washington Post leh media tuamtuamtuam tenn $25 val beek bei ding ci uh hi. Hih thu tawh kisai Trump in a gen kikna ah US galvanleng F-35 fighter jet leh Air Force One programs bawlna ah a bawlte Lockheed Martin company leh Boeing CEO Dennis Muilenburg tawh $600 million kiamsakna ding ka thukim bangun US-Mexico kulh cianna dinga sum bei ding nakpi takin ka kiamsak ding hi ci-in a Twitter ah tu ni-in tuangsak hi. Trump in US-Mexico kulh cianna dingin a tam pen $21.6billion val kizang lo ding hi ci-in thukim ta hi.

Hih kulh cian’na dingin US Border Patrol agents ten United States-Mexico Border kiim-a kulh cian’na ding “Opening the Door Of Hope/Abriendo La Puerta De La Esparana at Friendship Park in San Ysidro, California” kici ci tu ni-in etna nei ta uh hi.

January 25 in Trump in “executive order” kici suai na kai a, US President election na-ah a vote zon’ lai-in a kamciamna bangin US-Mexico gamgi ah kulh manglang takin a kicianna ding na pulak hi. Trump in hih kulh cian’na a sum bei khempeuh Mexico in a piak kina (re-imbursed) dingin a gen hangin Mexican President Enrique Pena Nieto in kipia kik lo ding hi a cih manin Trump tawh White House ah a kimuhna ding zong na zuk kik hi.

Trump in ngongtatna pianna bulpi Muslim gam sagih panin Muslim gambeelte ni 90 sung lutsak lohna ding leh galtaite ni 120 sung lutsak loh phot ding hi ci-in executive order suai a kaih hangin US sitni/thukhen ten na dal uh a, Trump in, “Thukhenna innpi sungah kimu ni ei,” na cih san ziau a, executive order thak suai kaihna neih sawm in executive order dang suai kaih sawm kik leuleu hi. Trump in a suai kaihna a tangtung takpi ding hiam cih en pak ni (manglai tel ten a maan sungah na en lel un).

US President pen US gam adingin executive (thukham omsate a kizatna ding a len) len hi a, a President veto zang thei-in thukhen/sitni len dingte seh theihna ding thuneihna nei hi. Ahih hangin thukham bawl pawl (legislative/Senate a Congress House sunga palai) ten President veto nial thei in, budget uk theihna ding thuneihna nei se uh hi.

US thukhenna innpi (courts) ten President thupiakna/thukhenna pen thukham/upadi tawh kituak lo ci thei uh hi. President in thukhen dinga a guan’ (appoint/nominate-te_ thukimpih thei in na dal thei uh hi. US thukhenna innpi in Senate-a Congtress House sunga palaite thukham bawl pen upadi tawh kituak lo cih theihna ding thuneihna na nei lai uh hi. Source: Soutnik and BBC/ Thang Khan Lian