Trump in galtai Million 3 manlang takin kisualkik dinghi ci

Trump in galtai Million 3 manlang takin kisualkik dinghi ci

Nov. 14, 2016: US President thak dinga kiteel Donald Trump in a kamciam sa bangin phalna lai nei lo gambeel (undocumented migrants) United States panin President zum ah ka tut ciangin manlang takin a gam uh-ah ka puak kik ding uh hi ci-in ciam hi ci-in zan in CBC’s 60 Minute progam in suaksak hi.

“Trump in hih thukham palsat mawhna bawlte (criminals), thukham palsat hi ci-a ciamtehna (criminal records) neite, mi gilo kipawlna a kihelte (gang members), guih theih zuakte (drug dealers) tampi US ah phalna lai poimawhte nei lo mi million nih bang, ahih kei leh million thum bang om ding a. tuate bang lawh ding hiam hiam? Hih bangte siansuahna dingin a gam tek uh-ah kipuak kik ding hi ci-in gen hi ci-in CBS’s 60 Minutes program in suaksak hi.

Trump in Mexico gamgi ah kulhbang (wall) kibawl ding ci-in a vote zon lai-in zong na ciam hi. CBS ten President dingin a kiteelcing khit zawh interview masa penna a bawlna ah Trump in Mexico gamgi ah kulhbang bawl ding vai pen leisek (brick) leh sungkang + sehnel + cement (mortar) tawh kibawl lo ding a, dai (fence) kihung/kikai ding hi. Phalna lo tawh hong lutte dalna ding leh tua bangin dai bawlna ding zia lim takin ka tel hi. Kulhbang bawl ding zong ngaihsutna sia hilo hi ci-in gen hi.

#Behlapna: Gam kician khat peuhpeuh a koi a koi ah phalna lai lo tawh gam lut bel a kitheih leh kipuak kik hamtang in, tua ahih kei leh thong sungah a kikhum pen a ngeina ahi hi. Zomi ten zong sial/bawng/lawi cihte nangawn i huan sungah hong lut leh a nek siat theih ding a om kei zongin saili tawh i kap kei leh ciang tawh kisat in, kihawl khia a, pawl khat ten tem tawh delh in a mei sat tanin meh lai uh hi. Trump ngaihsutna pen a lamdang lua hi lo hi (gupna leh paihna hilo hi). -The Hindu/ Thang Khan Lian