Tokyo lengding Malaysia Airlines ki lehkik

Tokyo lengding Malaysia Airlines ki lehkik

August 23 Saturday ni Japan gam Tokyo khuapi manawh in alengkhia ahi Malaysia Airlines pen vanlengsung setvan hoihlohna muanmawh om (Safety Issues) ahih manin Kuala Lumpur khuapi manawh in ciahkik cih CNA News in genkhia hi.

Tua vanleng pen Malaysia Airlines MH70 hi a, Kuala Lumpur khuapi pan 10.50am in alengkhia ahihi. Ahi zongin alenkhiat khitzawh Minute 50 khitciang in Kuala Lumpur International Airport hong tukik hi ci’n Star News in genkhia hi.

Malaysia Airlines Website te genkhiatna ah hih vanleng hoihlo ahih manin, adang vanleng khattawh kilaih a, Kuala Lumpur khuapi pan 1.22pm in lengkhia in, Tokyo Narita Airport ah nitak 9.44pm (Local Time) in tunghi ci’n pulak uhhi.

Vanleng aki lehkikna ahangpen Safety and Technical Issue cihciangbek ki pulak khia a, aki kancian laitak ci uhhi.

Tusungteng Malaysia Airlines te hong minthang mahmah uhhi. March 08 ni in Beijing khuapi zuanin alengkhia mi 239 apua Malaysia Airlines MH370 zong tudong atun atakna kithei nailolai hi. Tuaban ah Malaysia Airlines MH17 pen July 17 ni in Ukraine gamtung ah ki kapkhia a, mi 298 sipah hi.

Malaysia Airlines pen ki gimneih pianpian leh kilawm a, lungnoplo pipi in zuihteiteisang zuihlohmah hoihzawphot leh kilawm hi. ZD Sawltak #zomidaily