Thuthak Tomkimcing 27 July 2014
A. The New Light of Myanmar thuthang laihawm bawl set athak
The New light of Myanmar thuthang bawlna set athak khat Japan pan vaikhak in Myanmar khuapi Yangon tungta hi. 2014 Aug 31 ni dong aminlui tawh hawm khia laiding uh hi. 2014 September 1 pan kipan in Global min behlap in The Global New Light of Myanmar tawh leitungbup ah hawm khiat kipan ding uh hi. Japan pan in H.E. Mr. Tateshi Higuchi leh alawm teng leh Global Direct Link Company pan in thunei teng kihel in Set thak honna 2014 July 26, 9am hun in Yangon Bahan myone ah nei uh hi.
B. India tawh vannam atuamtuam kizopna lampi No..4 na kihong ding
Myanmar India kizop na Lido lampi, Tamu, Rikhua dar, te ban ah Zogam (Chin state) Simh lam Paletwa khuapi pan taikawk 112 agamla India tawh gamgi Meikwa leh Zochachuah kizopna ah kipuahpha ding cih kiza hi. Nasem ding In Max Myanmar Company leh Indian Railway Construction Company Limited kipawl in sem ding uh a, nasep na sum Rupees 570,000,000/- zeek khia ding uh hi. Mizoram lam Zochachhuah khua ah Zorinpui Land Custom Station lamding in India in gel na nei uhi. Hih kizo leh Paletwa pan in India in tuisung anpiang nam te nuamtak neekliim ta ding uh hi.
C. Kawlgam Lapi sanglai sinna ah sinsak nawnlo ding
2014-2015 Myanmar siamsin hunpan kipan in adawl nuainung siamsin na kibawl puahphat na sung pan in Myanmar gambup lapi leh laimal te siamsinna ah kisin nawn loding in hep khiana nei uh hi. Lakam leh Laimal zong laihsuk laihto na a omna hang zong ahihi. Lapi pen Mualmi te deihna kammal leh gambup huam ding in Bama in lai aneihna tungtawn in asin thei ahihi.
D. Myanmar gam khuak kipeizia liimlang
Myanmar gamsung ah ki ukzia tawh kipawl in azung aguipi ah Democracy, Federal, huih in anawk ziahziah hun ahihi. Tua mun ah 436 thukhun bawl ding Puah ding vai, Democracy vai, Federal vai ban ah’ Census pingpei, Third wave vai, Biakna vai in thukhun tuamtuam vai, Vaimi leh Kawl biakna vai tawh mipi ngaihsutna kipei sak zuahzuah hun ahihi.
Tua mun ah Ei phattuam na aomlo peuh leh nam keekee kikhenzaak nopna gu kibuakna athei mipil tam om ahih hang in, hih nam keekee in hong ki khenzaak nopna ah amaltel lote zong nasia akisak mahmah hun ahihi. Kawl kumpi in Census vai in akhemol te muamkhum amuk ah nuh in abil ah ho khiankhian hun ahihi. Myanmar politic ki nawikaih bawl sak niknek ah ki koih lelel hi. NCCT cih zong galkap nei tek uh ahihhang in ahun bei toto ding Kawlgian san, thu kimop na in pingpei ding uh hi cih mipi in uh hi. Hau Thang
Comment piaknop aomleh...