Thuthak Tomkimcing 19 Sep 2014

Thuthak Tomkimcing 19 Sep 2014

A.World bank pan $100 Million leitawi ding ki thukim uh

Myanmar gambup Cidam na lam thusa pi Mangputal te vai hawm na tawh World bank pan in sum leitawi ding $ 100 Million Hlawdaw pan in kipsak phalna kipia ta ci hi. Hih thu tawh kipawl in Cidam na lam vaisai Mangputal te in azat khiatna uh diktak in gam mite theih sak huai ding cih Tangmi Palai Daw San Dra Min abilsih kikna pia kiau hi.

B. 2014 October 1, Kyats 5000 laidal thak kizang tading

Myanmar gam sung ah 2009 October 1 ni a akibawl khia Kyats 5000/- Laidal anawngkai sak tuanlo ding Kyats 5000/- Laidal thak 2014 October 1 teh Myanmar kumpi in thulut diktak in bawlzeek khia sak ta ding uh hi. Tua a hongbawl ding uh 5000 laidal pen tuikawt thuakdou zo mahmah ding a, Varnish tawh kituam sawn hi ding ci uh hi. Sum tungah Nay Pyi Taw Parliament innpi leh Sai kangpi khat tuangsak ding uh hi. ( Saipi amahbek lian)

C. DKBA leh Myanmar galkap kisaii tuah kik

Myawady khuapi kiim tuuciik kicii’n na huan ngei lampi dung ah DKBA leh Myanma galkap te zangsang lam daak 2:00 kim pawl in kisaii tuah kik uh a, DKBA galkap Bo Lin Nyaing si hi. Khat pen nasiatak in liam ahih man in Myawady zato kipuak cihi. DKBA Colonel Kyaw Thet in Kami te khat si ahih leh Amau sawm si ven maw ci phot hi. Khuami te’n bel tuuciik gu nuam azanpai te kikap hi in teh cih uh hi. Hau Thang