Malaysia gamsung thukikupna khatah buaina lianpi piang

Malaysia gamsung Dr Maha­thir Forum ah buaina lianpi piang

Malaysia gamsung ah gamvai Politics thukikupna Forum khat ahi “Nothing to Hide 2.0” cih thulu tawh thukikupna ah mipi sungpanin buaina piangsakgawp cih NST pan kiza hi.

Hih “Nothing to Hide 2.0” Forum ah Tun Dr Maha­thir Mohamad zong kihel in, mipi te theihnop thudotna te abanban in thudawnkikna nei hi. Tun Dr Maha­thir Mohamad pen Malaysia gamsung ah 1981 kum pekpanin 2003 kumdong Prime Minister asem hi a, Prime Minister panmun tawh Malaysia gamsungah kumtam asempenpen zong ahihi.

Prime Minister asep hunsung bekbek kum 22 sungtak sawt hi. Tudongmah Malaysia gamsung ki ukna vai ah alunghimawhden, kumpi langpan kipawlna Opposition Party tetawh aki khawlzel khat ahihi.

Shah Alam sung aom Dewan Raja Muda Musa Hall ah akibawl thukikupna Forum kibawl laitak in buaina apiang ahihi. 1985 kum hunlai in Kedah, Baling sung aom Kampung Memali Tragedy vai dotna adawnkik laitak in mipi sungpan in khedap tawh Stage tung thugen aom Dr Maha­thir kideng masa hi.

Tuakhit ciangin Slipper, Shoe, Mineral Water Bottle, Chair cihbangin anunung ah tutphah nangawn tawh kideng gawpmawk uhhi.

Video: Violence ensues as flares, shoes flung at Mahathir forum

Mipi ki kaihkhopna Forum sungah meikuang zong nihvei tak kilawn in, Hall sungteng meikhu tawh kidimgawp hi.

Related: Kuala Lumpur khuasung aom Mid Valley Megamall ah meikang

Hih buaina vaitawh kisai in apankhia mi 3 kiman ci a, tualak ah mi 2 pen College Student kici hi. Tuaban ah thukikupna avaihawm Forum Organisers tezong kumpi thunei te’n thudotna leh Statement asawtlo in kilading cih kiza hi. Video sungah na en un, nasia veve hi. Sawltak #zomidaily