Thucinh thutang (M)
Muhna kibang lo ahih manin i theihna zong kilamdang ding. Ki telsiam ding kisam.
Mite’ hoihna tampitakte muhsak lo napi’n, ahoih lohna uh tawmkhatte lim muhsak mahmah se hi hang.
Mite in hong it thei-in hong mudah thei uh hi. Hi mah hi, ei tung panin itna i hawmkhia ding hi.
Midangte’ hoihna leh midangte’ siatna tungah pilna la-in, i nuntakna kilam phat ding kisam.
Mi cingtaak taktak i cihte pen kiniamkhiat in, lungsim siangtho anei mite hi gige uh.
Mite’n bel hong mawhsak sakin, hong nawlkhiinkhiin ding uh hi. Pasian in bel mawh pi mah dik hong tanghsak nuam ahih manin, “Ka ta aw hong ciah in,” ci’n itna awnem tawh hong samsam lai.
Mittang a om manin khua akimu hi tuan kei. Mittang nei napi-in khua mulo mi tampitak om. I mittangte khua a musak thei khat om cih i phawk gige ding kisam.
Mong neilo itna tawh hong it i Pa Pasian khat bek om!
Mawtaw khat a pai theih nadingin a tuamtuam tampitak kigawm khawm cih i theih mah bangin, kipumkhatna om loin na lianpi i sep theihloh ding lamtak i phawk gige ding kisam den.
Mite’ lakah gen ding leh gen loh ding thute i khen siam mahmah ding ki sam.
Meetna maan taktak i deih leh thuman thutak tawh gamtat kul.
Muhna bek tawh i nuntak/kalsuan ciang,lungkiat nading vive hi den, upna tawh i nuntak/kalsuan ciang, lungmuan nading vive hi den mawk.
Mi honpi’ mai-ah a om bangin kingaihsun in gamtat kul a, a sem ding dang a om hetlo bangin nasep i hanciam kul hi.
Mawhna tampi i bawl kha mah ding hi, i kisikkik nak leh Topa’n hong nial tuan lo ding hi.
Mihaite kiliatsak theih zel mah ding uh hi. Mipilte zong kiniamkhiat nuam tuan lo uh hiven.
Mipil taktakte bel kiniamkhiat thei uh.
Mawhna a om mah bangin, mawhmaisakna leh mawhna panin suahtakna zong na om sam e.
Mawhna thaman in sihna hi, cih i thei hi. Jesu Khris umin sang leeng nuntak tawntungna kingah hi, cih i tel ding kisam hi.
Mawhna maisak dan i siam nai kei leh Khazih lungsim nei nailo cihna hi.
Muhna tawh nungta loin, upna tawh nungta ni.
Mikim in i neih dingin kisampen, JESU hi.
Khazih sungah,
David Tuang
Comment piaknop aomleh...