Thucinh Thutang (H)

• Heh pahpah kei in, heh baihna pen mi tawh kilem theih lohna bulpi hi.

• Hauhna sangin pilna hoih zaw hi. Ahi zongin a piapa a theilo hauhna pen a mawkna pi hi.

• Hai paupau kei in, na haina kilang semsem ding hi.

• Hauhno man bekin sum sila suak kei in, ci-in Lai Siangtho in hong hilh hi.

• Huaihamna pen suplawh zawkna hi.

• Hanciamna pen lawm hoihpen bangin nei in.

• Haksatna hong omom ding ahih manin, thuakzawh hatna kisin in.

• Haksatna tam semsem, Pasian tawh kinai semsem ding.

• Haksa i sak manin lungkiat ding hi kei. Haksatna nungah nopsakna in zui hamtang.

• Hau napi-in, i hauhna midangte’n a noptuampih kei leh bel, tua hauhna pen hauhna cingtaak hi ngei lo ding hi.

• Hangsan takin Pasian’ adingin i mainawt ngam dinga, hang san takin Satan adingin i nungkik ngam ding hi.

• Hai hong kisak leh lungkia thanem pahpah kei in. Leitungah nang sanga hai zaw nak tam lua hi.

• Hanciamna a om lo nuntakna pen, pei anei lo leeng tawh kibang hi.

• Hun tampi a om tei hangin, nang adingin hun tam nawn hetlo cih phawk gige in.

• Hun pen hong paipai lel ahih manin, na khawlkhawl mawk leh khua hong mial ziau ding hi.

• Hun maan zawh ding kisin ni. Hun lap loh pen supna lianpi hi. Kha ading hun lap lote bel gen zawh loh zah dongin sumh ding uh hi.

• Huhna ngen sangin, huhna pia hih ding thupi zaw hi.

• Hauhna delh in, Pasian na mangngilh lawh liang leh na zawng semsem ding hi. Pasian deih in, ama hangin na zawn ngam phot lel nak leh, Topa’n a kicing ama hauhna(kha thupha, taksa thupha)tawh hong dim ding hi.

• Hun adingin nang a piang hi loin, nang adingin hun a piang a hih lamtak phawk in. Tua hi leh na hun hoihte na mawk beisak ngam nawn kei ding hi.

• Hun tampi a om tei hangin, nang adingin hun tam nawn hetlo ahih manin, na kikheel sawm leh kikheel mengmeng in.

• Hun nunung hita ahih manin, i upna lenkip in, Pasian deihna lamah nungta dingin hanciam in kisin den ni. Tua bang hi kei leh, eite’ upna a mawkna hi ding hi.

• Hun nunung hita ahih manin, mawhna kisikkik a, a lian mahmah Gupkhiatna Thu umin, Jesu i neih ding thupipen hi ta hi.

Khazih sungah,
David Tuang