Pianthakna man taktak in ~ Evan. Do Khup

Zomi sungah Pasian le minam ading na i sepna ah a masa cih thupi hi. Z.Y.A Tamu pen mailam ah ei sanga pilzaw, a siamzaw in hong makaih hun omding a, ahi zongin a maute pen in “MASA” cih dinmun ngahngeilo ding uh hi. Kipawlnate ah en tha i piak loh hang mite in na pia veve dinga, en i biakinn i phal loh hanginmite in amau biakinn na zangsak ding uh a, Z.Y.A Tamu tangthu a kisut simsim in hihte kimangngilh ngeilo, ki mangngilh theilo ding ahih manin tuni Z.Y.A Tamu kipsakna ah a kihel teng zong a hampha ihi khin hi.

Zomi sungah kipiangthaksak le kikha misak mahmah napi’n a minam Zomi a vei kei leh cialpi masapenpen ah Sia ahi zong Upa makai vaihawm ahi zongin na kahsak un. Minam Zomi leh Sisan tawh kisaia tamzaw thu Democracy kizangthei lo a, Pasian in na’ng hong donglo sa-in Zomi in hong bawl, na minamZomi na it kei a, na vei theih kei leh Pasian a simmawhna hi hi.

Lai Siangtho lui sungah Pasian mi zat makaimuanhuai Moses in i minam Israel-te ading in a nuntakna bek hi lo-in, a kha nangawn hell tung dingin nakipia ngam hi. (Pai. 32:32) Lai Siangtho thak sungah kamtuamnote sangin tampau thei zaw ing ci-in a khami mahmah thu-um mite adingin i kha pa ahi Sawltak Paul in zong a minam Judah-te adingin a nuntaknabek hilo, Pasian tawh kikhenin a kha hell tun ding lungulh hi. (Rom. 9:3)

Tua ahih manin Pasian na up takpi a, na pianthak man takpi leh Pasian hong bawl na minam pen nait loh, na vei loh a phamawh hi. Moses in a minamte it in vei mahmah a, tuate sihtangin kei hong phiat zaw in,hellkhuk hong denna zaw in, cingam hi.

Sawltak Paul in zong a mipih Judah-te a dingin Pasian samsiatna thuakding teelngam hi. Na pianthak taktak a, Pasian na it taktak ciangin i minam hong it thei pan ding na hi hi. Naminam na it theihtaktak nai kei leh na pianthakna kisit phat huai hi. (Lai Siangtho a lui, a thak ah mi piangthakPasian mizatte’n a minam uh vei ciat uh hi.

Note: Z.Y.A Tamu, Evan. Do Khup thugen na pan kitomlak hi.