Thailand gamsung ah akizang sum tungah kumpithak ii alim tawh kilaihding

Thailand gamsung ah akizang sum tungah kumpithak ii alim tawh kilaihding

Thai gamsung ah akizang sumlaidal “Banknotes” te tungah akituangsak limpen tulaitak kumpi asem ahi King Maha Vajiralongkorn limtawh kilaihding cih Reuters pan kiza hi.

Hihvai tawh kisai in tuni Thursday ni in Thailand’s Central Bank te’n zatdingin abawlthak uh King Maha Vajiralongkorn akituangsak sumlaidal Banknotes te lahkhiatna neita uhhi.

Tua Central Bank panin abawlthak Banknotes te ah abeisa in kumpi asem ahi King Bhumibol Adulyadej ii alimte kikoih nawnlo in, azaluah atapa King Maha Vajiralongkorn ii alimte tawh laihta uhhi.

Tulaitak Thailand gamsungah akumpipa uhpen amin King Maha Vajiralongkorn hi a, kum 65 aphakhin ahihi. Apa ahi kumpipa King Bhumibol Adulyadej asihkhit ciangin December 2016 kum akipan King Maha Vajiralongkorn pen Thailand gam ii kumpi dinmun ah apaza aluahto ahihi. Ahi zongin kumpi suahpawi “Coronation” taktakpen tudong kibawlnailo a, abawl hundingzong ki theician nailo hi.

Abeisa ah kumpi asem ahi King Bhumibol Adulyadej pen 13 October 2016 ni in asi hi a, asihzawh kumkhat avalkhit 29 October 2017 ciangin aluanghawm sihvui hunbawlna kineipan hi. Thai gamsung ah mi tampitak in azahtak mahmah, a it mahmah kumpikhat hi a, aluanghawm akikepsung kumkhat sungtawntung dahna lahkhiatna in pawlkhatte’n puanvom bekbek silhden uh ciliang hi.

More: Thai ah Myanmar nupi khatin kum 7 aphapan atanu sikkhau tawh khihcip

Azaluah ahi atapa King Maha Vajiralongkorn ii lim akituangsak Banknotes tepen April 6 ni akipan kizangkhia tading “Circulation” cih kiza hi. Myanmar gamsung ah akizang Banknotes tung ahzong Bogyoke Aung San ii alim tuansakding ki lunggulh himahleh Banknotes te laihdingpen Budget sum tampi beiding hi cih paulap tawh kinawlkhin pianpian hileh kilawm hi. Sawltak #zomidaily