Thai gamsung ah pasal te zahmawh ango, akang dingin kibawl sakthei cih mithang mahmah

Thai gamsung ah pasal te zahmawh ango, akang dingin kibawl sakthei cih mithang mahmah

Thai gamsung ah pasal te ii zahmawh ango, akang dingin ki bawlsakthei cih thuthang pen Social Media ah ki thehzak hi. Tua zahmawh ngosakna pen “Penis Whitening Service” kici a, Thailand gamsung aom Clinic khatpan in aki bawlsakthei ahihi.

Tuabang in zahmawh ango saknuam tammahmah in, khakhatsung in pasal 100 valbang zahmawh ngosakding “Penis Whitening Service” bawlding in hongpaiden uhhi ci’n Clinic te’n genkhia uhhi.

Hihbang in “Penis Whitening Service” akipatpen Lelux Hospital pan ahihi. Hih Lelux Hospital pen abeisa in pumpi vun “Skin Color” ngosakna lamsang ah akiva mahmah, asiam in aminthang uh ahihi. Thai gamsung ah cingo, vunngo pen kideih mahmah ahih manin, hih Lelux Hospital tezong abeisa in “Body Whitening Expertise” tawh aminthang mahmah ahihi.

Abeisa kha 6 hunlai in Lelux Hospital ah pasal khatin akalkuam leh azahmawh te avom deihlo in, Complain vabawl a, tuapan in pasal zahmawh ngosak lamsang ah hongkipan uh ahihi.

Hih Lelux Hospital panin “Skin and Laser Department” Manager asem laitak ahi Bunthita Wattanasiri kicipa ii genna ah pasal zahmawh a ngosaknuam pen tammahmah a, khasim in mi 100 bang Clients omden hi.

Tuabang in zahmawh aki ngosak ciangin Laser Whitening akizang hi a, pasal khat azahmawh aki bawlsak laitak Photo pen Social Media tungah aki khahkhiatkhit ciangin minthang semsem, kithei semsem cihi.

Hihbangin zahmawh angosak dingin hongpai Customer tepen kum 22 pain kum 55 kikal vive hi uh a, atamzaw pen Thailand ii LGBTQ akici “lesbian, gay, bisexual, and transgender” Community pan tamzaw cihi.

Tuabang in pasal khat azahmawh a ngoding in akibawlsak ciangin US$650 (RM2,605) bang sumbeithei cihi.

Hihvai tusungteng Social Media tungah aminthanluat mahmah ciangin Thai Authorities te’nzong tuabang in zahmawh ango dingin abawlsak Clinic te kiangah vapai in sitcianna neihsak uh cih Bernama te’n genkhia hi.

Thai Deputy director-general of the Health Service Support Department Dr Thongchai Keeratihuttayakorn in agenna ah hihbangin zahmawh avun ngosakna pen cidamna tawh kituaklo “adverse health effect” omkhading hi ci’n mipi te akidop nading in genkhia hi. Tulaitak zong zahmawh a ngosaknuam pasal tammahmahlai cihi.

Dr Thongchai Keeratihuttayakorn in agenbehna ah numei ahi zongin, pasal ahi zongin zahmawh cihtepen avun khuaphawkbaih “sensitive” mahmah te ahihi. Tuabang zahmawh munsan te ah Laser Service zatpen lauhuai hi, kilemlo Allergies omthei a, bokthei hi.

More: Shwedagon Pagoda ah gamdangmi te alutman Ks10,000 ah kikhantoding

Hihbangdan zahmawh ngosak cih “Penis Whitening Service” pen Thai gampualam koimah ah kizakha ngeilo hi. Tuaban ah hih Clinic te vanzat pen Thai Food and Drug Administration (FDA) tezong hoihtak in ki sitciansak dinga, kumpi te ii phalna a ngah vanzat azangmah uhhiam cihzong ki sitcian dinghi ci’n genbeh hi. Kuateng in ngosaknuam 🙂 Sawltak #zomidaily