Thai kuahawm sungah ni 9 sung amangcip naupang 12 leh asiapa, akigawm in mi 13 te kimuta

Thai kuahawm sungah ni 9 sung amangcip naupang 12 leh asiapa, akigawm in mi 13 te kimuta

Thai gamsung aom kuahawm “Cave” sungkhat ah amangcip naupang 12 te leh asiapa, akigawm in mi 13 te ki mukhiata hi. Kuahawm sungah a awkcip, amancip uhpen ni 9 sungbang hita a, tuisunglutsiam “Divers” te’n amukhia masa uh ahihi.

Tua naupang tepen tukpeng suihsiam “Football Team” khat hi uh a, akum uh 11 panin 16 kikalbek hipan uhhi. Asiapa “Coach” pen kum 25 aphakhin khat hi a, abeisa nungkal Saturday ni akipan kuahawm sungah a awkcip, amangcip uh ahihi.

Tua a awkcipna uh kuahawm pen Northern Thailand aom Tham Luang Cave kici kuahawmkhat ahihi. Hih Football Team te kuahawm sungah alutkhitzawh uh guahtui tamlua mahmah in, tui khanggawp a, tuahangin kuahawm sungah a awkcip uh ahihi.

Abeisa Saturday (June 23) pek panin amangcip, atunna kitheio pen zanni nitak ciangin Chiang Rai Provincial Governor in naupangte leh asiapa kimukhiata hi ci’n agenkhiat ciangin mipite lungdam mahmah in awngziahziah uhhi. Chiang Rai Governor Narongsak Osottanakorn in tua Football Team te avekin kimukhinta hi ci’n Monday 10pm hunpawl in gencianna neikhia hi.

Narongsak Osottanakorn in Reporters te tungah agenkhiatna ah “mi 13 avek un kimuta hi, apualam apusuahtheih dongun nakemding hi ung” ci’n genkhia hi.

Hih amangcip Football Team te azongdingin gamtuamtuam paninzong Rescue Team te kuankhia ngeingai uhhi. Naupangno te amukhia masa pen UK Diver kici, UK gammi tuisunglutsiam mi 2 te’n amukhia masa uh ahihi.

Akimuhcil UK Rescue Team tetaw naupangno te akihona pen Video sungahzong kimu, kizathei a, khasiat huai mahmah hi.

Video: Twelve young soccer players and their coach have been found alive in a cave after they were trapped for more than a week. A search for the boys, aged 11 to 16, and their 25-year-old coach began in Thailand nine days ago. Officials say that while the team has been found, there are still many risks involved in the rescue. In a video released by the Thai navy, rescue divers are heard telling the group how long they’ve been gone. 

Naupangno khatin lungdamlua ung ci’n kapkawmsa in genkhia hi. Mi bangzahpha nahi uhhiam ci’n adot ciangin mi 13 ci’n dawngkik hi.

Tuaciangin UK Diver te’n hihlai kongtuntheih nadingun tuisung lutkul hi. Tulaitak kogelbek hi ung, ahi zongin no hongzong kanung uhah mi tampitak hongpailai dinghi.

Tuni bangni hita ahia? Tuni Monday hi. Hihsungah na omzawh uh ni 10 bang apha hita hi, thahat mahmah uhteh ci’n ki dawngkik uhhi.

Tuakhit ciangin naupangno khatin ka gil uh kiallua mahmah ci’n agenkhiat ciangin khasiat huai phadiak hi. Diver te’nzong theimah ung, hongpaiding hi ci’n dawngkik uhhi.

More: Thailand panin aciahsawm Myanmar gammi 14 te tuanna mawtawpei puakkham in meikuanggawp

Naupang te’n nuamlua ung, ka lunguh damlua mahmah ci’n genkhia ngeungeu uhhi. Tuaban ah no koigam panin hongpai nahi uhhiam ci’n naupang khatin dongcitciat a, Diver te’nzong ko England, UK pan hi ung ci’n ki dawngkik uhhi. Sawltak #zomidaily