Thai ah Kawlgammi 2 sihdan mah kipiakik veve

Thai ah Kawlgammi 2 sihdan mah kipiakik veve

Thai gamsung ah mithat in akingawh Kawlgammi 2 te sihdan mah tuakveveding cih zanni Wednesday (Mar 01) ni in AFP News pan kiza hi. Hih Kawlgammi 2 tepen Thai gamsung ah khualzin in apai British Backpackers kopkhat that uhhi ci’n ngawhna atuak uh ahihi.

Koh Tao Island kici tuikulh tungah September 2014 kumpek in thupiang hi a, tuahunlai in British gammi kum 24 aphakhin David Miller kici pasalkhat kithat in, kum 23 aphakhin Hannah Witheridge kici numei khatzong akibuangawp khitciangin kithat hi. Hih British gammi 2 tepen lawmki ngai hi uh a, Koh Tao Island tungah asisa in 15 September 2014 ni in ki mukhia hi.

Hihvai pen anawngkai simkhat hileh kilawm a, akigendan ahihleh hih Kawlgammi te ih thahtaktak hilo kici in Kawl te hehmahmah uhhi. Athat taktakpen Murfia mingongtat te kici a, ahi zongin tua athak taktak te leh Koh Tao tuikulh neite kizopna om ahih manin, misi te aluang akimuhkhiat ciangin Kawlgammi 2 te aki ngawh cihzong kiza hi.

Thukhenzum ah aki genna ah hih athat tepen Kawlgam mi mah hiding hi, banghanghiam cihleh asinu Witheridge ii DNA leh Kawlgammi te kep asinu ii van ahi mitlimlang leh Phone tetawh DNA kibang hi cihi.

Ahi zongin Kawlgammi te ii sitni pa in hihpen hoihtak kancianna omlopi in Kawlgammi te aki ngawh ahih manin, ngaihsut phatding thuumna Appeal bawlding ci’n Appeal abawl ahihi.

Tua Appeal abawlpen sangzolo uh a, British gammi nihte sihna tawh kisai in Zaw Lin leh Win Zaw Tun temah mawhsak veve uh ahih manin, sihdan “Deaht Sentence” mah akipsak veve uh hitamawk hi.

More: Lungphona hangin Yangon aom Thai Embassy ni 3 kikhak

Death Sentence akipiak masak hunlai inzong Kawlgammi te hehmahmah uh a, Yangon aom Thai Embassy mai ah lungphona nasiatak in kinei in kibuai ahih manin, Thai Embassy zong ni 3 sungbang khakcip uhhi. Tu’n hihvai bangciciang hong hileuleudiam, hu ngaih leuleu ni. ZD Sawltak #zomidaily