USA, Georgia pan Tg. Thang Mun Sang (Leilum, Tawmging) in hongnusia

USA, Georgia pan Tg. Thang Mun Sang (Leilum, Tawmging) in hongnusia

Mangpha Tg. Thang Mun Sang @ Raymond Khai (Kum 35) Tawmging Beh – Leilum Vaangkhuami, Georgia State, Savannah pan Tg. Sang Pi in abeisa October 3, 2022 in Sunglam damlohna tawh hongnusia cih thu izakman in ZIUSA kipawlna mintawh dahpihna ipulak hi.

Tg. Sang Pi pen Zomi Innkuan Washington D.C Area ah member khat leh ZIUSA Genvai member pom ni 7/31/2021 pan active member khat ahih manin thumeilet/policy zuiin (100%) Death Benefit $15000 kipiakhia aa paakkual $150 man khat tawh zong mangpha khakna kinei hi.

Tg. Sang Pi luanghawm tawh anunung pen hunzatkhop ding hong tung ding Sunday October 9, 2022 3:00PM in Evangelical Baptist Church -DC makaihna tawh, Funeral Service bawl khit ciang, Rev. Pau Khan Cin in han ah vuina nei ding hi.

Tg. Sang Pi hong nusiatna hang in adahakap alungleng khuangai tanau meltheih khempeuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Zomi Innkuan USA, Inc., Secretary of Genvai)

ZIDCA pan Sihkohna leh Dahpiha pulaakna

Zomi Innkuan D.C Area ii Full member leh ZIUSA Genvai member khat ahi Tg. Thang Mun Sang @ Raymond Khai (Tawmging Beh), kum (35) in Sunglam damlohna tawh June 12, 2022 ni in Candler Hospital, Sanvannah, Georgia ah Zato na tungin October 3 ni in, I Biak Pasian kiang hong zuatsan cih thu kiza ahih manin ZIDCA in nakpi takin kidahpih mahmah hi.

Tg. Thang Mun Sang @ Raymond Khai (Tawmging) pen Tedim Myo, Leilum veng a teeng Pa Langh Khen Thang (Tawmging Beh) (phamsa) leh Nu Go Lian Cing te sungpan January 8, 1986 in piang in Suahpih laizom 5 nei hi.

Tg. Thang Mun Sang @ Raymond Khai luanghawm pen EBC-DC Pawlpi pan Rev. Pau Khan Cin (Sia Cinlek) ii makaihna tawh vui na kinei dingaa, Funeral hun geelna anuai a bang ahi hi.

• Ani : October 9, 2022 Sunday
• Ahun : 2:00PM (Body Viewing)
• : 3.00PM (Funeral Hone Service)
• Amun: Baker McCullough – Fairhaven Funeral Home
• 7415 Hodgson Memorial Dr, Savannah, GA 31406

Dahna Lianpi tawh, Zomi Innkuan D.C Area (ZIDCA)