Washington D.C pan Tg. Pau Sian Cin lungdampihna (Bachelor of Science in Architecture)

Zomi DCA pan Graduation lungdampihna: Graduation Ceremony of Tg. Pau Sian Cin (Cinpi), Bachelor of Science in Architecture, UMCP

I biak Pasian ii thupha hong piakna tawh Washington D.C Area kiim aom Zomite sungpan Tg. Pau Sian Cin (Cinpi) in Maryland State Sang minthang khat ahi University of Maryland College Park (UMCP),College Park, Maryland, USA pan May 20, 2018 ni in Bachelor of Science (B.S) in Architecture tawh Degree limci mahmah hong ngah thei a hih manin Zomi Innkuan DC Area (Zomi DCA) pan kilungdampih mahmah hi. Amah pen D.C Area om Zomite laak pan Architecture tawh Bachelor Degree hong ngah masa pen ahi hi.

Tg. Cinpi pen Zomi Innkuan D.C Area, E.C makai & Founder khat ahi Pa Nang Sian Thang leh Nu Niang Suan Lun te’ Tapa nihna hi aa, Zogam Tedim khua ah suak hi. Tg. Cinpi pen Community College of Baltimore County (CCBC) pan Associate Degree in Computer-Aided Design for Architecture and Engineering angah khit zawh ciang UMCP pan Bachelor Degree in Architecture hong ngah thei a hi hi. Hih bangin Zomi khat in gualzawhna hong ngah thei ahih manin Zomi DCA pan kiangtanpih mahmah hi.

DC Area kiim aom Zomite Pasian in Pilna lam thupha hongpia aa, Degree ngah tampi hong om sak ta in company gol tuamtuam leh Federal Government te ah nasem Zomite hong omsak ta hi. Mailam ah zong i Zomite laak ah leitung lam Pilna Degree ngah tampi i om sem sem zawh nading i biak Pasian in Zomite thu pha hong pia ta hen.

Information Department
Zomi Innkuan Washington D.C Area (Zomi DCA)