USA, Nashville pan Tg. Cin Suan Khai (Buansing) in hongnusia

USA, Nashville pan Tg. Cin Suan Khai (Buansing) in hongnusia

Mangpha Tg. Cin Suan Khai (Kum 59) Buansing Beh – Zogam Tedim ah a khang khia USA gam Nashville,TN ateng Pu Gen Do leh Pi Dim Za Niang te tapa Tg. Cin Suan Khai in June 24,2020 in Si Khang natna tawh hongnusia chih thu izak man in ZIUSA kipawlna mintawh dahpihna ipulak hi.

Tg. Suan Khai pen Zomite kipawl khopna Zomi Innkuan Tennessee ah member khat leh ZIUSA Genvai member onglut thukhun pom ni 7/31/2016 akipan tunidong thukhun pom active member khat ahih manin bylaw thukhun zuiin (100%) Death Benefit $15,000 kipiakhia dinga paakkual $150 man khattawh zong mangpha khakna kinei ding hi.

Tg. Suan Khai luanghawm tawh anunungpen hunzatkhop ding hong tungding Tuesday June 30, 2020 1:00pm in (Woodbine Funeral Home Hickory Chapel) ah Nashville Immanuel Assembly pawlpi makaih na tawh hehnep hunbawlna neihkhit ciang, Rev.Dr. Cin Khua Khai in hanah vuina nei ding hi.

I Sanggampa Tg. Suan Khai hong nusiatna hanga adahakap alungleng khuangai tanau meltheih khem peuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Genvai tanupi, Zomi Innkuan USA, Inc.)

Pawlpi thu zaksakna

1. Pawlpi mi “CIN SUAN KHAI” (Pu Gen Do’ tapa 2na) in June 24 ni-in a omna Antioch-Nashville, Tennessee State, USA ah ong nusia hi.

2. Zingciang June 29, Monday nitaak Pawlpi min tawh hehnepna nei ding ihih manin nungak tangval akuamahpeuh paitek ni.

3. USA ah June 30 (Tuesday) ni-in ki vui ding a, Tedim ah zong Pawlpi-in June 30 nitaak nai 3:00PM mah in vuibawlna service nei ding ihih manin Pawlpi mi akuamah ciat paitek ni, ci-in kong zasak hi. Sia Kap, Senior Pastor

Sivui hun ding & Pawlpi’ Thuzaaksakna:

1. Mipi kikhop theihloh ding pen Kumpi-in June 30 ni pan July 15 dong kikhan toto lai hi. 5:30 AM zing thunget hanciam tek ni ei!

2. Pawlpi mi “CIN SUAN KHAI” (Pu Gen Do’ tapa nihna) in June 24 ni-in a omna Antioch-Nashville khuapi, Tennessee State, USA ah ong nusia hi. USA ah June 30 (Tuesday) ni-in ki vui ding a, Tedim ah zong Pawlpi-in June 30 nitaak nai 3:00PM mah in vuibawlna service ki nei ding hi, cih kong zasak hi.

3. Hunzatna-te online mah tawh ikhah ding hi!

More: Ngilh mawhding U Khan Do (Layseih Store)

4. Nipi Ni zingsang nai 11:00am pan 1:00pm dong Biakinn ah Upate na om ding uh a “Sumpi leh Sehsuah” ki pia thei ding hi. **Tua banah alem ding deihna tawh, Lawibual te’n Upa Suan Cin Khup, Myoma-te’n Upa Thangno leh Sakollam lamteng in Upa Sian Khaw Pau te, kiang ah zong ki pia thei hi.

5. Pawlpi mi khempeuh i omna ciat-ah TOPA in hong kem tek ta hen! Pawlpi taangin: Sia Kap, Senior Pastor