USA, Texas ah Cung Lian Thang amahleh amah khautawh ki khailum

USA, Texas ah Cung Lian Thang amahleh amah khautawh ki khailum

USA, Texas State sung aom Chin mikhat amahleh amah ki guiawk, khautawh ki khailum cih Chelsea Bawi tungpan kiza hi. Tua akikhailumpa pen amin Cung Lian Thang kici a, kum 28 aphakhin khat ahihi.

Cung Lian Thang pen Texas, Dallas huamsung aom Sherman khuasung ah 02 January nitaklam 2pm hunpawl in innpualam ah khautawh aki khailum ahihi.

Cung Lian Thang pen Cung Cung ci’nzong kithei a, Chin State, Hriangkhan khuami Pu Chan Hleih leh Pi Dawt Par te tapa 3 lakah aneupen ahihi. Amahpen 2016 May kha in Malaysia pan Refugee tawh Texas, Sherman ah atung ahihi.

Malaysia panin hamsapi in US gamsung ah atunzawh kumkhat valdeuh hipan a, tuakawmkal ah hihbangin hongnusia ahihi.

Cung Lian Thang pen akhuapih Hriangkhan khuate’n kisapna khatpeuh aom ciangin azattheih mahmah uhleh nasep ahanciamkhat ahihi.

Hriangkhan Seino kipawlna ahzong makai panmun asep laitak ahihi. US atun ciangin ani te kiangah om a, innlam paninzong azi ding kipisak khinta in, azi pen US paiding angak in innlam ah aom ahihi.

More: USA Indianapolis ah Kawlgam Chin nupi khatin ata 36 vei sat

Tuabang in azi ding akipisakkhin kawmkal ah azi tawhzong kimukha mannailo in, hihbangin amahleh amah aki sihbawl himawk a, banghangin ki sihbawlhiam cihpen kuamah in theicianlo uhhi. Asihma in agelh lai “Poem” khatzong kimu cih kiza hi. Sawltak #zomidaily