Tengh 100 valman puakto khinta

Tengh 100 valman puakto khinta

Antang ip 140, besan ip 30, sathau, satpiang leh zatui zaha, oxygen cylinder bungpi 23 oxygen concentrator 4 leh van zat tuamtuam tengh 100 val man tu zingsangin Kansau tualpi kitun ta hi. (Tonzang ah oxygen cylinder bungpi 10 leh oxygen concentrator 2, TCF ki-ap pah)

HATSATNA TUAMTUAM

Cikha lam kilipkhap pian ahih manin van pua ding mawtaw hong lem pak lo a, ei mawtaw gol pen kipaisak teitei hi. Nawh tat kul lua ahih manin oxygen bungpi khat tukin mawtaw nasemte khat ngaltakguh neu pen hong deng tan mawk a, vai pai nailoin zato kipai masa phot zawzen hi.

Lamkal ah niangtui man nengneng piak a kul sam hangin kizan paisuak thei a, tu zingsang nai 9:00 AM in Kansau tualpi van khiat nading mun tungta hi. Mawtaw hawlte PPE puan na silhsak pah uh a, zing an na vak ding uh hi. (Ka khua uah natna tam ahih manin mawtaw sung pan tuak khia lo ding, an zong ne lo ding ka cih manin PPE puan silhsak zeenin an na vak uh hi.)

NONG PIAKTE UH MUALSUAH HAMTANG (KANSAU SIK LEI TUNGTAWN THEI TA)

Pasian hehpihna tawh mipi tawh nasep zawh kum 30 val ta a, nong piakkhiatte uh mualsuah teitei ding I hanciamna ahi hi. Lei leh mawtaw kong suahsakna hang pen hih Sihpilui sik lei (Kansau lei) zong ka khuapih Kansau tate, USA, Australia, Malaysia a omte kiangah kei pumpi mahmah pai-in huhna ka nget ngiat hi a, ka pupa khang pan ua ka neih zawh ngei loh uh sikleipi khat Topa in hong mualsuah sak hi. Nong piakkhiatte uh mualsuah hamtang ding i thungetna ahi hi.

LUNGDAM KOHNA

Malkual dongtuahna enkhong loin veina tawh hong piakhia pawlpi, kipawlna tuamtuam leh mimal hong hanciam khempeuh tungah lungdamna lianpi kong ko hi. Pasian in dongtuah theihna namkim tawh hong kipelhsak ta hen. Sia Do Khup