Tedim – Tonzang kikal aa Vialcian lui tuikhang, lei kisia motor le cycle pai thei nonlo

Tedim – Tonzang kikal aa Vialcian lui tuikhang, lei kisia motor le cycle pai thei nonlo

August 1, 2016
Guahtam na hangin Tedim-Tonzang gamgi lui ahi Vialcian lui tui khangin, tui tha hatlua ahih manin luitui kan nading a kidawh lei, kisia ib motor le cycle te pai theilo hi cih thu kiza hi.

“Zani lam teng guah tamlua in ah, zani nitak khuamui ma in tui in a luanna lampi tawn nonlo in ama thu a ki heii kik leuleu ahih man ahi hi. Luitui a kihei loh nading tui dalna kibawl te ka ngawn phukhia aa a lampi kihei ahi hi” ci in kumpi lam thunei khat in Zingsol ah hong gen hi.

A beisa kum in zong Vialcian lui tui lampi ma thu in kihei na hangin Tedim-Tonzang kizopna kisia man hi. Tua luitui luan na lam ah aveisa kha nih lai in leineu khat akidawh hi a, tu in luitui in susia leuleu ahi hi.

Hih lei kisiatna hangin motor te pai thei nonlo phot hi. Cycle ahih le kidom in lui tui a tawm leh kikan pih thei hi.

Zingsol thupuak