Covid Test mawkmawk ken

Covid Test mawkmawk ken

Covid hualpi thumna khauhpaina hangin Kawlgam sungah Covid Test Kit kilei thei ziahziah ahih manin, tulaitak atamzaw in leiziauziau in ei le ei i ki Test ziauziau pen tha kong pia kei hi.

Mi pawlkhat in Covid natna a Test ciangin a Test na tawh napkhem khoih bangin nak vang mong teng khoih ziau in Negative hongsuak pen lungdam in mipi lak khawngah ”Covid natna neilo” ci-in vak phialphial uh aa Covid natna pungsak gawp zaw thei uhhi. Pawlkhat leuleu in naksi luang zah liangin thumsuk kha thei hi. Hihte pen alauhuai mahmah thu ahihi.

Covid natna Test nading nakngek tui (Swab) a kilak ciangin, nakvang tawpna ciang kithum suk hi. Tualo in Covid natna nei/neilo kiciantak in kitello ding hi. Hihpen ei le ei ki Test ding abaihlo thu ahihi. Nakvang tawpna cih thadah alangciang kithumsuk le zialua in thuak hak mahmah khin hi. Tua ahih manin, Covid natna Test pen mi mawkmawk in hih ziauziau theih hilo a, pilna le sinna kisam ahih manin, ahihtheih laiteng Siavuante mah Test sak tanghtangh zo leng hoihpen hi.

Covid natna in hun nei hi. Zan nitak aa Covid natna nei tawh a kisukha mi khat pen tuni in Test pah lecin Positive tuanlo thei hi. A tamzaw pen ni 7 khitteh Test leng kithei pan zaw pian hi. Tua ahih manin, Covid natna Test hun lopi in Test loh ding zong thupi hi.

A hoih penpen ah, ei le ei in i phial hihhih sangin Siavuante mah dongh tanghtangh zo leng ei sa’ng theizaw ve ve in lungmuan huaizaw ve ve sam hi.Source: Scarlett Wine/ Sin Thu

More: Covid hunsung kikep danding pawlkhat ~ Dr. Mangsan

A mawkna pi

1. Hehpihna aneilote adingin nuntakna amawknapi.
2. Lungsimpoite adingin pilna amawknapi.
3. A hilhsawn nuamlote adingin siamna amawknapi.
4. Sepnate ah kipiakkhiatna aneilote adingin cidam aa thahatna amawknapi.
5. A piakkhia nuamlote adingin hauhna amawknapi.
6. A lungdam theilote adingin huhna amawknapi.

Na nuntakna, na pilna, na siamna, na hatna, na hauhna le hong kihuhnate amawkna suaksak kei in!.