Tedim Siangtang Tui Pipe vai zaksakna tuamtuam

Tedim Siangtang Tui Pipe vai zaksakna tuamtuam

Hong Zasak Un!
Tedim khuabup tuineek Sialtang tui Pipe na kitapsak khak leh Sinpin zum hong zasak in.

Tuni ciang dong mawtaw tawh a taih khamkha a hi zong thutuam-tuam hang tawh a kitamsak telak-ah Sinpin zum hong gen mitam nailo hi. Sialtang tui pen Tedim khuanu, khuapate nek ahih man in zahtak bawl ni.

Kuamah in hong muta kei cih lungsim tawh ek nusiat in nusia kei ni. Pipe minute 5 sung a kisiat bek zong tui gallon tampi a kisum hi aa, tui hawn ngeina bang in kikhawm thei nawnlo pah hi.

Tuipipe kisia leh Sipin nasemte leh tuilam thunei te’n a manlang thei pen in sun le zan cilo hanciamtak hong sem uh hi. Tua mahbang in Falam,Mindat, Hakha khuapite sang tui kingah zaw hi.

Mipite tui ngah theih nading a hoih pen kihanciam kawmkal-ah khatvei vei mihing hihna tawh kakicin lohnate uh hong theisiam un. Sialtangtui pen tangpi neih khop ahihi. Kei tawh kisaita kei cilo-in, i hih theina bangbang pan kipahpih diamdiam ding hi hang.

Tuibawl Leuleu

December 5, 2017 lawibual veng Pa Tunpau te inn gei Neisok lamka-ah lampibawl JCB in Sialtang tuipipe sikkhawmkha ahihman in Sinpin nasemte leh tuilamthunei ten a hunlap in bawlkik pah uh hi.

Pipe Ki Tokham

Dec 4, 2017 Ciangka ah Telenor cable line leisungah aphum kawl ten Sialtang tuipipe na to khamkha uh hi.

Tua ciang a mau zong Tedim Sipin zum nakopah uh hi. Sinpin nasemte leh tuilam thunei ten nitak 2:30pm in Pipe bawl kipan in nitak 4:00pm ciang kizo hi.

Sialtang Tui Pipe Bawl

December 4, 2017 thukan (စစစ) zum gei-ah Sialtang tuipipe kisia in Sipin zumnasemte leh tui committee ten a manlang thei penpen in bawl kikpah hi. Tuibem sung tui honglut ziahziah laitak mungdang ah Pipe hong kitawh khapsak leuleu.

Tuazawh ciang Ciangka gei-ah mun (3) Telenor phone line khauphum nading a to Kawl ten Sialtang tuipipe na hong tawh khap sakleuleu mawk uh hi. Sipin zumhong suak pah uh aa, tuibawl ding in tun kipai khia leuleu hi.

A hih theihzah in Tedim khuanu/khuapate tui ngah nading lunggulhna tawh gimngamlo, tawlngamlo in kisem hi. Source: Tedim Municipal