Tedim khuasung aom Namgimtui Sai kibuluh

Tedim khuasung aom Namgimtui Sai kibuluh

May 13,2018 (Sun) Nu te pahtawina/zahtak piakni sese in mualpang(ၿမိဳ႕ပတ္လမ္း) lampi aa ဦးႏိူင္လင္းထင္ te Namgimtui zuakna sai kibuluh mawk hi.Mi te’n Nu te pahtawinani lungdam kipak aa Biakinn kikhawm in Nu te tung thupha bawl matese leh guta-buluh te’n bangmah awlmawh se lo uh hi.

Tedim khuapi ah mi khutthak/ guta tam mahmah lai hi.Nung deuh in zong Mawtaw battery mang tawh mawtaw domna jack mang tawh om ngeingai hi. Cycle mang zong tuni ciang domg om kiukiu lai.

Khuapi khat hisam a hih ciang mihoih/ mipha a om mah bang mi song bong zong a om ding lah hi zel sam.Zomi te thuman cihtakna Zo phualva lungtang in koilam ah sawl bang hong heisan ta a hiam?

Hih bang mi guta/mi songbong te bel a vunhawk im khuam tung khai ding hi.

Sialtang Tuikisia

May 10-11, 2018 ni (2) sung sialtang tui pipe ki bawl hi.May 10,2018 tuinasem te leh thunei te’n Tedim mipite a ding deihsakna leh hanciamna tawh a zu a ham cilo in hong sem uh aa khuazin madeuh in zo mahtase leh zanciang mudang khat siakik leuleu hi.

Zanni May 11,2018 ni in tuisiatna mun ki tai pah vingveng in ki bawl pah hi.

Mundang a siatna mun a om kei leh tui pongman hong pai ta ding hi. Tedim Municipal

Kibawlsak thei

Tedim ah ကညန te hong pai a hih man in Cycle Licence leh Driving Licence a nei loteh hi ta leh သက္‌တမ္‌းတိုး nuamte hi ta leh kibawlsak thei hi. Na pai mengmeng kei leh mitam kha ding a hih man in nawh pai in a thei lote zong kigensawn ni.

• A mun :- Boarder Tual, TCBC biakinn sak
• Myoma Tedim
• A hun :- 10 : 00 AM pan 4:00
• Ani :- 14 – 15 May 2018

Khualutna Signboard kikhin

Tedim khuasung lutna Signboard pi a beisa hun in Mualtuk Galkap lennuai-ah kiphut in Tedim khuapi adiakdiak Sakollam veng inn khancih tak khangin tua dungzui in Tedim Municipal Committee in khualutna Signboard Tonzang lampan lutna Ciimtang khang ah kituah in etlawm mahmah hi. Tedim Times