Tedim: Basic Teachers’ Training for Music and Note Reading Course

Tedim: Basic Teachers’ Training for Music and Note Reading Course

Nung kal sung 22-27 March 2018 Japan Teachers’ Union (JTU) te thusiamna tung tawnin International Trade Union Confederation (ITUC-AP) tawh Tedim leh Tonzang gamsunga om sang sia/mah te ki pawlna Zomi Teachers’ Union in Music Training ki nei in sia/mah 27 hong ki hel thei hi.

22-24 March 2018 sung teng Siamah Le Niang in solfa leh lungtui hong hilh hi. ITUM pan in makai 2 zong hong kihel thei hi.

25-27 March 2018 sung teng Japan gam JTU pan in mi 5 hong ki hel in tamngai tum dan leh keyboard neu meek dan hong hilh in mikim Tamngai leh keyboard neu khat ta letsong hong piak sak uh a hih manin ki lungdam mahmah hi.

Japan Teachers’ Union in “kum 5 sung thukimna la in kong pan pih ding uh hi”. Tua bek thamlo ”CTUM tawh thukimna ka la ding uh hi”. Tam ngai tum siamte Japan gam ah kong sam ding uh hi hong ci a hih manin ki lawp thei mahmah hi.

Tedim leh Tonzang gam sunga sang sia/mah Zomi Teachers’ Union ah a ki pawl 300 val om ta hi.

Lunggulhna:

1.Pilna tawh a khangto minam i suahna ding

2. Sang sia/mahte in a mau neih hamphatna a kicing a ngah theihna ding

3. Zogam sang sia/mahte leh mundang gamdang a om sang sia/mahte ki thuah khawm ki lawmta khawm in pilsinna neih theihna ding

4. Sia/mahte khua muhna hong khangin picing semsem theihna ding

Tu tung Training pen Cornerstone Children Academy (CCA) ah ki bawl a hih manin mun leh mual hong kawm Sia Khawmte nupa tungah zong lungdamna hi lai munpan i ko hi.

Mailam hun ngah i sia/mahte tawh ki thuahin bukim khantohna sung ah a lunglut mimal kimin veina tawh mapang khawm ding hi hang.

Itna leh veina tawh
Thang Nen Mung
Chin State- Organizer
CTUM