Tedim leh Tonzang Sangaing Region sungah ki lasak lelleng ~ Mungsen

Tedim leh Tonzang Sangaing Region sungah ki lasak lelleng ~ Mungsen

Ka ngaih sut mawk mawk khat no bang ci na sa uh hiam hong kup pih tek dih ve vua. A nuai a ka gen te ken zong hoih hi / hoih lo hi a ci hi tuan keng. Ki kup ding a ka ngaih sut mawk mawk hi.

Zomi te in Gunkhawm dong e gam hi e cih tek mah bang in, Kalay-Kabaw (Kalay, Tamu..) leh Northren Chin state (Tedim,Tonzang…) pen Zomi te ten na hi ci tek hang. Tua a hih leh

1. Kalay leh Tamu te Chin state sung e guan ding sang, Tedim lam Tonzang lam teng Sagaing sung ah lut kik vet bi bel leng. Tu pan Naga te dan in Zomi te ten na teng Zomi Self-Administered Division/Region gen kik bi bel leng bang a ci tam?

2. District khat ngah ding na ngawm hong ha za vil vel te tawh ki zop zop sang, District ciang ciang hong eng lo hong haza nawm lo ding kawl te tawh ki pawl kik zaw bi bel leng a nop zaw tam? Chin state e cih zong a ta tak in kawl te khut nuai mah hi ve ve lel a.

3. Kalay-Kabaw(Kalay, Tamu..) leh Northren Chin state teng gawm in Upper Chindwin Region ci in kawl te tawh ki pawl in ngen kik vet leng. Zomi state ci leng hong pia nuam lo ding a, ei kawl te a bel dan suak sak zaw in, a hih zong ei Zomi te ten na teng ki uk na khat nuai ah om thei lel leng. Upper Chindwin Region sung ah zong thu nei zo lel sam lo ding e hia? Tun Chin state ah zong District khat zong hong ki pia ci lah hi tuam lo a, ham phat na khem peuh nam dang teng mah in a bu luak mah hi lel hi ven. Bang ci na sa uh a?

Pawlkhat pen bel Hakha, Mindat cih te zong Zomi mah hi ci ci pong, a mau lah Zomi ut peuh mah lo. Hilter, Newin te dan a by-force tawh Zomi suak sak sawm in, a mau leh a mau bel a thu khual dan leh a thu mu mah mah dan a ki sa uh hi nong in.

A mau bel kei bang Zomi extremist in hong ngaih sun kha thei in cin, kei zong a mau Human Right leh Democracy a tel ta tak lo extremist mah in ngaih sun zel veng in. Lai at, Mungsen