Tedim khuapi khantohna le Chin State bup motor hawlte omna mun

Tedim khuapi khantohna le Chin State bup motor hawlte omna mun

Tedim khuapi pen khangto mahmah in gam kikhelna huzap in kum khat le kum khat kilam dang mahmah hi.

Chin state sungah Khuapi huam kua (township-9) omna lak-ah Tedim khuapi huam pen mi atampenna khuapi hi-in State buppi sang nga (teng nga) phalo aomna lak-ah sang khat pen Tedim khuapi huam ah om hi.(ref.2014 census)

Tedim khuapi huam sungah zong Khuapi thak KHAIKAM khuapi (Town) om hi. Khuapi thak behlap taak ahih manin 2016 kumin kibeh lap a Kalay University zong Khaikam University in a kilaih ding, mipi’n lunggulh ta hi. Banghanghiam cih leh Tedim khuapi huam sung Khaikam khuapi ah om hi. Khuapi thak behlap dingin khuano inn zaguk val apha khuano 4 bang Tedim khuapi huam ah omlai hi.

Tedim khuapi huam sungate kampau zat pen Tedim khuapi pan ong piangkhia aw-kaih tuamtuamte kigawmna kampau ahihzah khat in Chin state buppi ah zong akilimzat kampau khat le State bup sungah kawlpau zom ah akizang kampau hi.(ref. Hakha decleration on chin state development Actor2017-chin state gov.)

Chin state sungah ngeina pawipi athupi pen cih theih bang hiam cih leh Chinstate kumpi ciapteh ngeina pawipi “KHUADO” bek ompan bek hi. 2016 pan kumsimin Chin state kumpi-in vaihawmin state level Khuado pawi kibawlto ding ci hi.(ref.Salai Isace Khen ,Minister o

1920 hunlai kalsim in Akihawm thu kizakna pen Tedim pan ong piangkhia kampau tawh kihawm in Chin Hill News kici hi.(ref. chin hill news /Tedim thu kizakna ,lom 5/hawm 2)

Chin state buppi sunga minam tuamtuamte’n asan theih mahmah Lai pen nidang kinei in ki mansuah a tuakhit zawh Tedim khuapi huam tualsuak Pu Pau Cin Hau i agelh khiat tualsak lai Zotuallai/Zo scrip zong Tedim khuapi huam pan apian ban ah Tedim pan apiang kampau/aw tawh alai akigelh hi-in chin state ah hibek om hi. India gam Churachanpur/lamka ah Zotuaĺlai 2017 pan ZOLLS makaihna tawh kisin toto ta in India kumpi tawh kizopna om hi a gamkhat minam lian khat lai/scrip kisam hi.(ref.Dr. Dal Sian Pau , GS of ZOLLS kihona pan)

Tuaban Pu Pau Cin Hau in pawlpi phuan a Laipian pawlpi ci-in 1913 malam in mi khangtote in laipian pawlpi cihzah dong in chin state sung le India manipur le mizoram naleng dongah mi lunglut mahmah khat naleng suak ngei hi.

Tuhun in Tedim khuapi athupi sak SIANGSAWN zong Laipian upna pan in akasuk upna hi -in Kumpi te na ngawn in alunglut le Tedim pai peuhpeuh in aphaknopna mun khat hi-in zo ngeina zo inn leh et theih ding a tuamtuam zong om hi.

Tedim khuapi sung veng li om hi. Tuate in Sakollam/Myoma/Lawibuai/Leilum hiteng ciaptehna sa hi in khantohna/inn kibehlapna hangin veng pawlkhat kibehlap loh phamawh ciang dinmun hi ta hi.

Gam kikhelna tawh Tedim khuapi kivaihawmzia

vaisai dingin mipi’n atelte (Tedim municipal/sipen vaisai pawl) in ongsepna hangin kalthak kikalsuan nate:-

• Tedim in khuapi golpi suahzawh nading.
• Tedim khua kiim a omte tawh pangkhawm semkhawm vaihawm khopna leh kimuh pihna ki zong nei kawikawi uh hi.
• Lailui/ tualzang/ Tuilangh/ Lailo/ Teklui/ gawng/ Sezang. . . .(ref. Tedim Municipal)

Tulaitak Tedim Khuapi omzia in

Lailo le Tedim kikal a awngnateng lam gei ah innmun awng nawnlo! Inn pawlkhat kilam lai/pawlkhat kilamsawm.

Tuilangh te akhua khung uh Tonzang lampi ah paitota in veng min TUICING ci uh kipsakna omnailo

Tuilang paina SDA biakinn veilam pan pusuahtohna lam ah khuano pan ong pe mlomtang khat omta hi. Akigawm inn 30 valta _kibeh laplap lai _akuamteng inn kilamsawm lai

Tedim Sakollam han khang le Atawlam ah inn 50 kiin phata Shin tit mi company (Pu Tunta) in inn that 8 lamding kipanpan ta ci !

Hotel ding mah shin tit mi comapny in tu a aomna ahuankhang pan lamto tun that 5 phata a innluitawh kitang khit ah khatbeh lapto laiding alui phelding ci.

Siangsawn le Tedim kikal inn dim dekdek ta /
Sakollam sangsan kuam ah khuano pan pawlkhat ong pem ki behlap mahmah ta

Tedim pan Tonzang lam pai Gun ciang innmun awng om nawnlo ci

Sezang khuakhung Guamual pen VIEW Point dingin kivaihawm ta, singlamteh 10 val GUALSIN HUAL pawl in phut khinta (tuapan camera hoih tawh Tonsim khuapi kimu thei ci) zop toto sawm.

A veng veng ah khuano pan kinak zuat mahmah ta.

Tedim pen Chin state sung ah Northern Chin state phualpi khat in kingaihsun in huhna pia kipawlna/NGO ten pha pha ta in zum tuamtuam zong ong omta hi. Nasepna ding zong Kumpi zum bek hinawnlo NGO/Bank/CSOs/Vanzuakna/Biakna Zum /Private Company te/Hotel nasep /Pazan /lettama . . . .. . Cihte ei pilna ei siamna ei uk ei sepnop dandan omta ahih man in khuano pan kinak zuat mahmah ta hi.

Ka khua ah ka zanglei teng zuak in tedim ah innmun pikhat tul sawmnga man innkhat tatna lei in 2016 kum pan kateng a ni thalawh tawh kivak in ni khat tul 4 hi-in kal khat ni 5 semleng antang ipkhat ki leizo, ka zi nitha zong omlai nop zaw mahmah khua ah kilawhna ding omlo, khawhsa ngak in hamsa mahmah (Pa Hang , Singlei khua pan Tedim Khuapi ah/ interview

• Nitha atawm pen
• numei : 4000/pasal :6000
• (basic nitha a kingah sun hi)

Tedim khuapi ah tangpi kipawlnate le political party te dinmun
zoplai ding

Laigelh : Admin
12/12/2017|Phualva Lungtuak Media