Tedim khuapi ah (19 Sep 2015)

Tedim khuapi ah (19 Sep 2015)

Thu tawmno khat tawh ka zomi pih teng hih laitawh na dam kim un ci-in
hong hopih masa ingh.

TEDIM KHUAPI AH – Ih theihsa tek mah bangin guahtui tamna hangin,
kipawlna tuamtuam pan haksatna tuakte adingin panpihna kipia tek hi.
Mun tuamtuam a omte mah in ih mipihte ih veitekna hang ahih manin
thupi in, ih kipumkhat nopna hong kilang mahmah hi. Khuakim pawlkhat
ah zang antang leh ven pawlkhat hawmkhiat ding geelna zong kinei hi.

TEDIM KHUAPI AH – Ih khantoh dan Tedim khuapi bel, Kawlgam sung khua
33 laikhak dan anuam mahmah ding khat om a, tua pen, Magnate Groups
Logistic hi a, Tedim pan Hakha bang laikhak nuam leng Ks. 2500/- bei a
lungmuanhuai mahmah hi. Mailam ah gamdang zong zomto lai ding ci uh
hi.

TEDIM KHUAPI AH – Tedim khuapi adingin na khempeuh ahaksa tawh kibang
hi. Guahtui tamna hang lampi kisia Akluai khua gei a bang tudong hoih
zo nailo a, Manlong neute hong lut theilo in, khuapi ahihna tawm bang
hong kiamtuam hi. Mipi in lampi sawt kisia kisa napi a sem ding lah om
tuanlo, a thukan lah kiom tuanlo in kihi ci om mai a, tuahang
Tedimkhuapi a dingin na khat peuhpeuh a haksa tawh hong kibang hi.

TEDIM KHUAPI AH – Tansawm ong khinsa Sangnaupang lui (2005 – 2006)
pawlkhat in, a neih sunsun uh hong sung khia in, BEHS (1) sangpi,
Sakollam lam pan lutna kongkhak pi ding sik tawh kibawl tampi man a
bei ding pia khia uh a, mei zong thuah in zanteh veng sung hong nop
cituam sak mahmah hi. Sangah a ap ni un sang sia teng zong an nekpihna
zong neihpih uh hi. Hi mei zom in kong zot nop khat ah, ih sangpi pen
hong lui mahmah ta a, ZIUSA President in Tedim hong ciah in zong en
khin in cin, a vekin phel ding pen a thubaih ding hilo a, ahi zongin
tulai leisek tawh kilam inn pawlkhat sang to zaw ding ahih manin,
Plaster belh pha in bawl leng ahoih lua mahmah ding khat hi. Tut a dih
a kisam mamah khat ah, Padente leh kongkhak te kinak siat mahmah a,
kei lung hihmawhna tawh, lettama khat zawn in Paden (window) khat the
bangzah bei ding ci-in ka natuat uh leh, vangkhat the Ks. 80,000/-
sang tam zawlo bei ding hi.

Mun tuamtuam a omte aw, hong zawn ing. Ih
pilsinna sang hong tul lua mahmah a, lunglen huai mahmah hi. Tedim
khuapi sung vak lehang lah innte thak thei mahmah hi. Tua ahih manin,
ih pilsinna sangpi kiu khat tek pan mapang ve ni ee ci in hong zawn
ing. Minih kipawlin, vang khat bang pia leng tam bei samlo ding pi ee.
Ih sangpi puah dih ve ni. Ih kumpite hong piak ding ih ngaksang hoih
zaw ven teh. Takkheh ka zomipihte, ih sangpi Padente leh kong khak
puah dingin hong zawn ing.

Lungdam,
Ih omna tekah Pasian in a thupha tawh hong dawntuahtek ta hen maw …..
Tplian
0933395577