Tedim Khuapi ah (03 Nov 2015)

Tedim Khuapi ah (03 Nov 2015)

TEDIM KHUAPI AH
Thu tawmno khat tawh ka zomi pih teng hih laitawh na dam kim un ci-in
hong hopih masa ingh.

TEDIM KHUAPI AH – Kiteel ding naita ahih man in Tedim khuapi sungah
inn sawm ukte in meekhiat nading laihawmin buai mahmah uh hi. Tua hin
kiteelna a om takpi ding ahih manin ih omna muntek pan in kiukna
diktak hong om theihna dingin thungen ni cih hong zawn ing.

TEDIMKHUAPI AH – Mundang a om khualzin pakte hita leh, a om tulte
Tedim khuapi hong hawh le uh cin, ni dang a lampi neu ih sakte neu sa
nawnlo ding hi uh teh. Tu ni bang Kamhau tualpi nuai lamneu mahmahna
mun bang JCB nih in zik kipan in lampi bang tawm vei tua teng mun
kitawn saklo a, ni dang Bo Suan Do kong kitawn hi. Tua teng tawnin pai
suak lehang Sia Khawmpau sanggeiah kipai khiato thei hi. Kawlpi lampan
luutna tun cil lamteng zong lam kikeek kizo ta a khuasung bel a nop
semsem lam kimanawh himai ei guai.

TEDIMKHUAPI AH – Guaite aw, ih Tedim khuapi Pasian Kha Siangtho in
hong tuam sa keei ing. Kiteelna ah zong thuman diktak mu dingin
kilam-en hang. Banghang hiam cih leh, Zogam Buste in Tedim – Kawl
mawtaw a paisak zawh uh kum 25 cin bawl uh a, pawl bawl in bawl hilo
in, Sia Kam Hau in CCJ hawl ah thugenna nei a, a neu a lian in tha
kingah mahmah hi. Tua bek hikei lai ei, Rev. David Lah leh a lawmte in
zong CCJ Hall ah lungdamna thugen ding cih hi a, khua hun hoihlohna
hangin, CMBC biakinnpi kizang hi. Mi pen tam cihtak a tam hi mai,
naupang a tamzaw bang lamna tawh Pasian minphat in, ka lung sim
sungah, “nidang hi leh uham khinte bek a lam adiang thei hi” ka cih
leh hinawn peuhmah lo-in, Pasian thu kinak kin mahmah ta cih kithei
hi.

TEDIMKHUAPI AH – Kum 2010 kum a kizo lah mahmah, Cope Centenary Hall
pen a sawllo in kizo siang kiuhkeuh dingin kilam-en hi. Banghang hiam
cih leh, tu kum in thuthak khat hong kigeel khia a, Teng 270 bei in
lam ding a kigeel hi a, tun ahih leh, Pasian mizat mahmah ahi Rev
David Lah kiangah, Tedim Baptist Convention, General Secretary, Rev.
Vungh Suan Mung in bang zah hong behlapsak ding na hiam ci-in a gen
leh, a dangteng no hizo nuteh ci-in teng 200 hong pia khia hi. Mailam
ah, CCJ Hall nuam takin kizang thei ta ding hi. Mun dang a om te bang
hong ciahin Mopawi khawng na bawlnop uh leh CCJ Hall ah kibawl thei ta
ding ahi maw.

TEDIMKHUAPI AH – Ih Tedim khuapi sungah, ih phawkkha hiam thei keng.
Na khat peuhpeuh a omna ding mun a aom ding deihtek dingin hong lam-en
ing. Gentehna in :- Sangpi khatna in, Kimawlna innpi (gymnasium) khat
nei a, tua pen Thugenna Hall (Town Hall) khat a suak hita hi. Kei ut
mahmah ah, hite pen kimawlna innpi mah in kizang hen la, Town Hall a
kineih nai kei leh, thunei te in hong van leh hilo ding hiam? a ci
hing. Tua banah, Kamhau tualpi bangah Vanleng tawh Uliante hong
paiteh, vanleng bang hong tu a, hong tu ciang hileh zong phalai, a
tukna ding munah Suangsi leh kulltal kipawi kisung ahih manin
bawlungsuih teh lauhuai mahmah cih ahi hi. Hite pawl hiveh aw, amun a
om dingte a munah om leh ka ut, ka seppih theih ding, kanawkgawp pih
theih ding kipawlna or Party ka deih.

TEDIMKHUAPI AH – A bei October 30 ni in Party kim thugenna neisak ding
ci-in ZYA – Tedim in kivaihawm a, ahi zong in thuneite lampan phalna
kingahlo hi. ZYA – Tedim makaite gina leh piang zo dingin ka um hi.
Mailam ah makai gina ih neih ding a thupi’tna hong musak mahmah hi.
Khat leh khat kitheisiam tek ni maw guai………………………

Ih omna tekah Pasian in a thupha tawh hong dawntuahtek ta hen maw …..

Tplian
0933395577