Tedim Innmun/ Leitang

Tedim Innmun/ Leitang

Tedim khuapisung innmun/ leitang man ni khan in, manpha mahmah hi. Kamhau lampizik gei a om innmun te teng (lakh) 1000 tul sim manta mawk hi. Teng (1000, 1500, 2000, 3000, 4000, 5000) ciang bang hi zen mawk hi. Inn hoihlua hi lo in leitang deihna bekbek tawh ki lei hi aa, innthak lamkik uh hi.

Tedim lampi gei aa innmun te teng (lakh) 500, 600, 700, 800, 1000 dong manta hi. Mawtaw tunlohna kawmlakte na ngawn teng (lakh) 100, 200, 300 ciang bang in zuak ta uh hi.

Tedim innmun/ leitang pen Kawlpi sangin zong manpha zaw aa Kawlgam khuapi Yangon sang in munkhatkhat manpha zaw hi cileng kikhial lo ding hi.

Yangon ah taih inn hoih (လုံးခ်င္း) khat teng (lakh) 800, 900, 1000 in ki lei zo hi. Tedim innmun/ leitang manpha mahmah aa koihkoih leng ngun le kham a piang zah ding bang liang hi. Tedim Municipal

Tedim khuasung lampi vai: Gen kikkik mah leng

Lampi a ki-kek/golsakna munte pen lampi mah in koih lel leng hoih zaw lo ding a hiam? Eimau innmun/logam letmat khat nangawn a mawk piak ngamlo leitang manpha a sa phadiak minamte ihi hi.

Tua hi aa eimau innmun leitang i piak lah hilo lamsaklam ki-kek leh lamkhang lam te’n a sak neh to pah sese mawk ih hiam?Lampi a gol zahding a gol theih loh na pen tua ziak ahi hi.

Eimau innmun letmat khat nangawn pia ngawmlo i hih ciang mipileitang /lampi te keklek se dah hi.Pak/mehteh mehgah zong lampi dung teng um in suansuan dah zaw leng. Lampi mun neu tuam sak mahmah hi. I ciin nop leh gamlak ah leitang val ciin theih na ding muntampi omlai sam hi.

Ngaihsun taktak leng eimau leitang i piak sangsik lampi khawng i kekkek pen daupai huai hetlo hi.I pu te i pa te hunlai a mau a lopi innmun/lo gam na deih tuanlo uh hi.Huang kek/ kigi khin cihte zong luang in tuak ci’n thucin thutang in na nei tangtang uh hi.

Mipiphat tuamna ding ahih nak leh i huang pi khat pi nih ciangciang piak huai zawlo a hiam? Leitang manpha i cihsam hang tua pi khat pi nih sungah bang piang tuan sam diam?Suai a piang ding cih hi leh thu khat.

Nuntak tomkal sung eimau innkuan mimal noptuam nading sang mipi tampite noptuamna-ah leitung thupha/vantung thupha om zaw ding hi.Hakai pahtak lungleng a cih bang tek in i muan i suan tata hong gen hak zaw thei mawk uh hi.

Tedim khuapi khantoh ding i deih takpi leh huang kekkek nawnlo in a kisap leh eimau huang nangawn pi khat pi nih i piak zawh ding thupi ding hi.

More: Tedim ah Bus Station kician neihhun mahmahta

Sakhi in a tat nang kuamkua khual a cih bang mailam hun ding saupi ngaihsun in inn i lam ciang lampi gei neh pah tentan lo zaw in mawtaw buk ding leh nikhat ni ciang lampi hong kikek kha leh cih ngaihsun kawm in nasem ni!!! Tedim Municipal