Zogam, Tedim Gamhuam ah 16/1/2016 ni-in Yangon, Kumpi Siahkaihna Zum pan ulian khat hing, Na sum ngah ding om hi ci-in phone tawh kikhemsawmna om hi cih thu kiza hi.
“Sun 12:15pm hun in Yangon အခြန္ဝန္ျကီးမ်ား zum pan ဦးစီးအရာရွိ ဦး ကိုကိုေမာင္ (hing aki ci mikhat) in hong ho pih in ဘ႑ာေငြ honkhat val in tuapen Kawlgam pan mi 700 in hawmdingcih katel na uh pan nang number 11 na ah kihel teh, tui nai 3:15 ma in hong khak nuam hi ung, kongkhak nading uh na adress hongkhak ing ci-in” hong hopih ci-in Tedim ah hongpih angah Lia Mang Sian Nuam in Zingsol tanu tetung ah hong gen hi.
Tuanii Nitak nai 3:45pm kimpawl in Lia Mang Sian Nuam akiho pihna phone number tawh akibang sitset khat in Tedim aa ateng alawmnu khatzong kiho pih cih thu kiza hu.
Sum nang ngah ding pen teng 300 hi-in tua kongkhak theih nading uh leh tua sum ka thoh theih nading အေထြေထြအသံုးစရိတ္ teng 7 nongkhak kulding hi. Tua hileh bek hongkhak thei panding hi ung ci in honggen in, tuasum na ngah khit ciang nasuih ding thukhun dan nam (3) om ci-in honggen uh hi, ci-in Lia Mang Sian Nuam in gen beh hi.
Aki hopih na phone number te in 09457504872 leh 09445483137 ahi hi.
Hih dan kikhelna pen Kawlgam ah om thei zelzel a, khem a thuak kha zong om ngei ahih man in, Sum vai pai vai tawh kisai thulamdang te a om ciang a thu a la kician in kancian ding le up pahpah loh na ding thupi mahmah hi.
by CS Mungno | ZINGSOL TV
Comment piaknop aomleh...