Tedim ah CB Bank lamding in kipanta

Tedim ah CB Bank lamding in kipanta

Tedim khuapi ah Veng 5 om-in Leilum – Lawibual – Myoma – Sakollam hi-in nunglam deuh in Tuicing veng athak khat kibehlap na tawh veng 5 hita in inn zong khang mahmah le innthak kilam tulaitak 100 bang om dingin ki ummawh a 70% pen taih-inn bekbek cih thu kiza hi.

Tedim khuapi pen atuamdan diak-na in Tedim khuakim ah tai 1 hal ah khuapawl khat tai 2 hal-ah khuapawl 1 taithum val ah khua pawl khat cihdan in om a khuano pawlkhat in umcih in etlawm mahmah leh sawtlam ah khuakhat suakding cihzong ki lam en mahmah hi.

Tedim Khuapi Sipen makaite’n avaihawmna uh mahial mahmah in Tedim kiim a khuapawl khat ahi Tuilang/ Tualzang/ Teeklui/ Gawng / Lailo /Sezang / Lamzang etc. cihte Tedim Sipen huamdingin hopihna zong thukim cih thuzong nunglam in kiza a mailam ah Tedim khuapi pen Khuapi lian khuapi picing mahmah khatsuak ding hi cih thumu mipawl khat in gen hi.

A nihvei-na GZA Khawmpi Tedim Khuapi FBBCsangpi ah akibawllai in Pasian mizatte le makaite’n 2020 ma in Tedim khuapi ah Taih inn 500 akibehlap zawh nading thungetna le thapiakna aneihte taksuah mahmah le phata phial dingin ki ummawh tek hi.

Tedim khuapi pen chin state ah Township/ myone 9 lak-ah mimal atam nihna hi-in Khuano atam pen hi a sumlutna/ commercial khuapi zong chin state adingin cih theiphial hi.

First Private Bank Tedim Independent Director Pu Kapno in agenna ah bank honma a upmawhzah sangin ahonzawh uh teh sum na tamzaw cih zong gen hi.

Tulaitak in Bank 3 om a tuate in KBZ / Kumpi Bank le First Privatr Bank om in tulaitak akipansan laitak CB bank zong tawh 4 aomding hita in, CB bank pen Myoma veng Zolengthe naitau tawh kigamlalo Sein Myittha (Pu Thangsing) Store gei- hi-in mun hoih mahmah khatzong hi .Khuapi pen khantoh lam manawh mahmah in mipil pawlkhat in Tedim khuapi ah innmun le innneihding asawm mahmah le dawp giaugiau uh in Sakollam lam Tonzang lam kaibang zalui gun ciang bang kikham suk zihziah cih thu kizahi. Credit: Phualva Lungtuak Media