Teaching Method vs Learning Method

Teaching Method vs Learning Method

1. Eite in pilna izon leh alai paizia kihilhhilh, asang lamtun teh athu thei napi hang in’ a kizat theihna tamlua lo Teaching Method tawh ki makaihna mun kitung.

2. Minam dangte ahih leh kisin tawmtawm a, na le vannam tuamtuam bawl khiat theih nading in Learning Method zang uh a, atangtun masiah lungkia ngeilo in kipan tah uh hi.

3. Eite pilna in Theory lam hi a, Nitum na lampilna in Practical lam zui in, Nisuah na lam te in Techno pil tamzat in kipattah na nei uh hi.

4. Eite pilnazon zia, kipattah zia, pilna ciiimna in ‘pilna anei ding mimuan huai ding in sangnaupang hongkhan liat khit ciang in Intolerant lamzuatsan kitam aa, a Siapa zuihna hilhna lampi tawn in apai kitawm mahmahhi.

5. Minam dangte in laithei in hau ahih leh Practical & Techno tawh kipat tah pilna hi a, sangman ciang in nasep kipan theih pah in a sangkah lai sang in atheihna kibeh lapsak semsem ahihi.

6. Theory theihna tawh athu hilh kisiam napi Practical te theihna bang in septheihna neitheilo a, tuaman in khuaknasep zia ding Techno athak bang mah omselo ahihi.

7. Eite pilna pen hong pantah te’n Group Team Work asem theilo, akipawl theilo ding in hong kisinsin sakhi. Kikhen theihna theory kitheisak kisinsak kha dinmun ahihi.

8. Minam dangte in ahih leh kipawlkhawm aa, nasep theihna bekbek bul phuh uh a,Group Team Work lamvive in pai ahih nam in asiamsin na sang man khin peuhmah in khuasak nuntakzia ding minam tuamtuam ,paunam tuamtuam tawh semkhawm thei uh hi.

9. Eite pilna in eite pau kithei kamphenkul lo te khenkham in kimakaih na tampi ki omsak zel zul hi. Mite pilna in mel kibanglo pau kitheilo minam tampi te mun khatsung ah nasep , nasem khawm sak thei pilna nei hi.

10. Mi namdang te pilna kipattahna in kipawl khawm sak nasep na ahih man in atheih ngei nailo mi namdang pau atheinailo, khat na ngawn Action tawh lak in pantah a, Eite bangmah theilo theory pilna sinsin khate tate tute teng in nasep nei lawh uh a, anek khomkhom ding atha nuamte in ngah uh hi.

Tua ahih man in eite pilna zonzia leh midangte pilna kipattah zia te diktak teltheih khinkhai siam ciimna zatkul sinkul ki tangsapna te theih behna hong musak semsem hi.

Ansai ,Setyung tuamtuam, teh vanzuakna tuamtuam ah bangmah theilo eite tute tate nasep tawh theory pilna in innpan damtak in ngak bek na hang in khangsawn tuailai Zomi in apianna atheihna akhanna aPU sang in ansepna na te PU ci ngaungau zaw thei hi. Tua in bang hiam cih leh Teaching Method leh Learning Method ki makaih khialh na hang ahihi. Hau Thang